საერთაშორისო დონორ ორგანიზაციებთან წარმატებული თანამშრომლობის შედეგად, წლის ბოლომდე საერთაშორისო დახმარების სახით საქართველოსთვის ხელმისაწვდომი დაახლოებით, 3 მილიარდი აშშ დოლარის ოდენობის ფინანსური რესურსი იქნება. ამასთან დაკავშირებით გუშინ კიდევ ერთხელ პრემიერ მინისტრმა უწყებათაშორის საკოორდინაციო საბჭოსთან არსებული ანტიკრიზისული ეკონომიკური ჯგუფის სხდომაზე განაცხადა. პრემიერის პრესსამსახურის ინფორმაციით, პროცესის კიდევ უფრო ეფექტიანი, კოორდინირებული მართვისთვის, გიორგი გახარიას ხელმძღვანელობით მოქმედ უწყებათაშორის საბჭოსთან, ანტიკრიზისული ეკონომიკური ჯგუფი შეიქმნა, სადაც მთავრობის ეკონომიკურ გუნდთან და ეროვნულ ბანკთან ერთად საკანონმდებლო ორგანოს დარგობრივი კომიტეტების წარმომადგენლები, მუშაობენ. გუშინვე ითქვა, რომ უწყებათაშორის საკოორდინაციო ჯგუფში შემავალი ეკონომიკური ჯგუფი პირველივე დღეებიდან მუშაობდა ანტიკრიზისულ გეგმაზე, რომელიც 3 ძირითად პრინციპს ეფუძნება.

სტუმარი: რომან კაკულია - პარლამენტის დარგობრივი ეკონომიკის კომიტეტის თავმჯდომარე

#ახალიამბები #BusinessMediaGeorgia