Tifo Football - ევროპული თასის ერთ-ერთი ყველაზე მოულოდნელი გამარჯვებული (02.2021)

ბრიტანულმა მედია არხმა Tifo Football-მა ანიმაციური ვიდეო 1981 წლის ევროპის თასების მფლობელთა თასის გამარჯვებულ დინამო თბილისს მიუძღვნა.

ვიდეოს სახელწოდებაა "როდესაც, ქართული ფეხბურთი მართავდა ევროპას". ავტორი სტივ მენარი (Steve Menary)

"მე-20 საუკუნის 70-იანი წლების ბოლოს მსოფლიოში "ცივი ომი" იყო, ხოლო საბჭოთა კავშირში შემავალი 14 რესპუბლიკა დამოუკიდებლობაზე ჯერ კიდევ თუ იოცნებებდა. მათი საუკეთესო ფეხბურთელები რუსების ნაკრებში თამაშობდნენ. როცა საბჭოთა კავშირმა ევროპის ჩემპიონატი მოიგო, გუნდში სამი ქართველი თამაშობდა - გივი ჩოხელი, სლავა მეტრეველი და მიხეილ მესხი დინამო თბილისში თამაშობდნენ, საქართველოს ტოპკლუბში. დინამოს გამარჯვება მაშინ საქართველოს გამარჯვება იყო. კლუბმა ბევრი ლეგენდა აღზარდა, მათ შორის ბორის პაიჭაძე", - ვიგებთ ანიმაციური სიუჟეტიდან.

დამოუკიდებლობა არ წაადგათ ქართულ კლუბებს - კორუფცია და კრიმინალი ქვეყანაში ხელს უშლიდან ქართულ ფეხბურთს წარმატებაში. საქართველო ჯერ არასდროს გასულა მსხვილი საერთაშორისო ტურნირის ფინალურ ეტაპებზე. ახლახან ევრო 2020-ის პლეი ოფში ნაკრები ახლოს იყო მიზანთან, მაგრამ ჩრდილოეთ მაკედონიასთან დამარცხდა. დინამოს ბედი კიდევ უფრო მძიმეა, წარსულში ცნობილი კლუბი ევროპალიგის საკვალიფიკაციო ეტაპიდან ფარერის კუნძულების მოყვარულებმა გამოაგდეს. დინამომ კლაკსვიკთან 1:6 წააგო - უღირსი მარცხი დინამო თბილისისთვის, რომელიც კიდევ უფრო დაშორდა დიდებულ წარსულს" - ვისმენთ სიუჟეტში."