#ახალიამბები
ბათუმში, მეოთხე სამაჟორიტარო ოლქის ორ უბანზე, ელექტრონული ტექნოლოგიების გამოყენებით, იმიტირებული არჩევნები იმართება. ამ გზით, ცესკო, ელექტრონული ტექნოლოგიების გამოყენებას სწავლობს და ხარვეზებს ადგენს. ორ აპრილს, კენჭისყრაზე მისული ამომრჩეველი, რეგისტრაციას, ელექტრონულად გაივლის. მისი ვერიფიკაცია, სპეციალური აპარატის დახმარებით მოხდება, რის შემდეგაც კაბინაში შემოხაზავს სასურველ კანდიდატს და ბიულეტენს, ასევე ელექტრონულ ხმის დამთვლელ აპარატში მოათავსებს.

ახალი სისტემა, კენჭისყრის ნაკლები დარღვევებით ჩატარებისა და შედეგების ოპერატიულად გაგებისთვისა იტესტება. იმიტირებულ, ელექტრონულ ხმის მიცემის პროცესს, ოპოზიციური პარტიებისა და არასამთავრობო ორგანიზაციების წარმომადგენლები აკვირდებიან. 2 აპრილს, ბათუმში, საკრებულოს შუალედური არჩევნები გაიმართება. ერთმანეთს, „ქართული ოცნებისა“ და „ნაციონალური მოძრაობის“ კანდიდატები უპირისპირდებიან. კენჭისყრის განმეორებით გამართვის საჭიროება, ოქტომბრის არჩევნების შემდეგ, ოპოზიციის გამარჯვებული კანდიდატის, ნუგზარ ფუტკარაძის გარდაცვალებამ განაპირობა.