#ახალიამბები
ბათუმში, მეოთხე სამაჟორიტარო ოლქში 1053 ახალი ამომრჩეველია რეგისტრირებული - ამის შესახებ განცხადება ნაციონალურ მოძრაობაში გააკეთეს. გიორგი კირთაძის თქმით, ამომრჩეველა სია "ქართულმა ოცნებამ" ხელოვნურად გაზარდა. მისივე განცხადებით, უმრავლესობა ამ დრომდე სხვადასხვა რეგიონის ამომრჩეველი იყო. ხელისუფლების ოპონენტები ცესკოს მოუწოდებენ, შუალედური კენჭსყრა, ბათუმში, ოქტომბრის სიით ჩაატარონ. წინააღმდეგ შემთხვებაში არ გამორიცხავენ არჩევნებში მონაწილეობა არ მიიღონ. ბათუმის 79-ე საოლქო საარჩევნო კომისიის თავმჯდომარის, ციალა შავაძის განმარტებით, ბათუმის მეოთხე სამაჟორიტარო ოლქში, ამომრჩეველს შესაძლებლობა ჰქონდა კანონის დადგენილ ვადებში რეგისტრაციის ადგილი შეეცვალა. ციალა შავაძე ენმ-ს განცხადებას გამოეხმაურა და აღნიშნა, რომ ამომრჩეველთა ერთიან სიაზე პასუხისმგებელი „ცესკოა“. შეგახსენებთ, 2 აპრილს ბათუმში საკრებულოს შუალედური არჩევნები გაიმართება. რეგისტრირებულია ორი კანდიდატი - "ქართული ოცნებიდან" რამაზ ჯინჭარაძე და „ნაციონალური მოძრაობიდან“ მათე ფუტკარაძე.