#ახალიამბები
დიდი ოდენობით ქონებრივი დაზიანების, ჯგუფურად ყალბი დოკუმენტის დამზადება-გამოყენებისა და საბაჟო წესების დარღვევის ფაქტზე, ორი პირი დააკავეს. ორგანიზებული ჯგუფის წევრებმა, უკანონო მატერიალური სარგებლის მიღებისა და საბაჟო მოსაკრებლისგან თავის არიდების მიზნით, საქართველოში 325 ერთეული ავტოსატრანსპორტო საშუალება შემოიყვანეს, რომლებიც შემდგომ, განბაჟების გარეშე, დაშლილ და რეალიზებულ იქნა ნაწილებად. ქმედებამ, სახელმწიფო ბიუჯეტს დაახლოებით მილიონნახევარი ლარის ოდენობით ზიანი მიაყენა. გამოძიება გრძელდება. დანაშაულები 11-დან 15 წლამდე ვადით თავისუფლების აღკვეთას ითვალისწინებს.