#ახალიამბები

ყალბი საგადასახადო დოკუმენტების დამზადება-გასაღების ფაქტზე, ერთი პირი დააკავეს. ბრალდებულმა, უკანონო მატერიალური სარგებლის მიღების მიზნით, 35 ათასი ლარის ღირებულების 5 ათასი კუბური მეტრი ვულკანური წიდის მიწოდების ამსახველი ყალბი საგადასახადო ანგარიშ-ფაქტურები დაამზადა, რის სანაცვლოდაც 12 ათას 150 ლარი მიიღო. გამოძიება საქართველოს სისხლის სამართლის კოდექსის 210-ე მუხლის პირველი ნაწილით მიმდინარეობს, რაც სასჯელის სახით 2-დან 4 წლამდე ვადით თავისუფლების აღკვეთას ითვალისწინებს.