#ახალიამბები
2022 წლის მარტში, საქართველოში რუსეთის ფედერაციის 45 ათას 68 მოქალაქე შემოვიდა. უცნობია, მათგან რამდენი დარჩა საქართველოში და რამდენმა დატოვა ქვეყანა. მონაცემები საქართველოს სახელმწიფო საზღვრის კვეთის ოფიციალურ სტატისტიკას ეყრდნობა. შინაგან საქმეთა სამინისტროს ინფორმაციით, რუსეთიდან შემომსვლელთა რაოდენობა, გასული წლის იმავე პერიოდთან შედარებით, 430%-ითაა გაზრდილი. მარტის თვეშივე, ზუსტად 20 ათას 29 ადამიანი შემოვიდა ბელარუსიდანაც. საქართველოს კანონმდებლობით, რუსეთის ფედერაცია იმ ქვეყნების ჩამონათვალშია, რომელთა მოქალაქეებს, ქვეყანაში, უვიზოდ შემოსვლისა და სრული 1 წლის ვადით ყოფნის უფლება აქვთ. მას შემდეგ, რაც 24 თებერვალს ოკუპანტი უკრაინაში შეიჭრა და ფართომასშტაბიანი ომი დაიწყო, საქართველოს სულ უფრო მეტი რუსი ირჩევს საცხოვრებლად.