#ახალიამბები
„აფხაზეთი ჩვენ თქვენგან გავათავისუფლეთ. რუსეთი ოკუპანტი არ არის“ - ამ განცხადებებს საკრუიზო ლაინერით ჩამოსული რუსები აკეთებენ. „ASTORIA GRANDE“ ბათუმშია. ხომალდი, პორტში, დღეს დილით შემოვიდა. ოკუპანტი ქვეყნის ათობით მოქალაქე, საქართველოში, ამჯერად საზღვაო გზით შემოვიდა. სოჭიდან წამოსულმა ლაინერმა, რეისი, ბათუმში დაასრულა. 850 მგზავრს შორის დიდი ნაწილი რუსია. რუსული მედიის ცნობით, კრუიზის ორგანიზატორებმა, შავი ზღვის სანაპიროზე დამატებითი გაჩერება ტურისტების მოთხოვნით გადაწყვიტეს. საზღვაო ტრანსპორტის სააგენტოს განცხადებით, გემის ბათუმის ნავსადგურში შესვლა კომერციული ხასიათისაა. მათივე ცნობით, იგი სეიშელის კუნძულებზე კომპანია "Goodwin Shipping Limited"-ის სახელითაა რეგისტრირებული და საერთაშორისო სანქციებში არ ფიქსირდება.