#ახალიამბები
1 ივნისი ბავშვთა დაცვის საერთაშორისო დღეა. თარიღის დაარსების იდეა, პირველად, ჟენევის საერთაშორისო კონფერენციაზე, ბავშვთა დაცვისა და კეთილდღეობის საკითხებზე მსჯელობისას გაჟღერდა. ეს იყო 1925 წელი. საბოლოოდ, თარიღის არსებობა მეორე მსოფლიო ომის შემდეგ -1949 წელს განმტკიცდა, როდესაც ბავშვთა პრობლემები განსაკუთრებით აქტუალური გახდა. ომის შემდეგ მთელი მსოფლიოსათვის სერიოზულ საფიქრალს წარმოადგენდა მომავალ თაობაზე ზრუნვა. ამასთან დაკავშირებით, პარიზში, ქალთა საერთაშორისო კონგრესზე დადეს ფიცი, რომ უპირველეს ამოცანად გაეხადათ ზრუნვა მშვიდობის შენარჩუნებისა და ბავშვთა ბედნიერებისათვის. პირველად, ბავშვთა დაცვის დღე 1959 წელს აღნიშნეს და თარიღმა მსოფლიოს 51 ქვეყანა მოიცვა. მას შემდეგ დღესასწაული მსოფლიოს, თითქმის, ყველა ქვეყანაში, ყოველწლიურად აღინიშნება.