#ახალიამბები
1 ივნისი ბავშვთა დაცვის საერთაშორისო დღეა. თარიღი მიზნად იმის შეხსენებას ისახავს, რომ სახელმწიფო ვალდებულია, უზრუნველყოს თითოეული ბავშვის კეთილდღეობა, რაც მათი სიცოცხლისა და ჯანმრთელობის, ხელმისაწვდომი განათლებისა და ცხოვრების სათანადო პირობებით სარგებლობის უფლებათა განხორციელებას გულისხმობს. პირველად, ბავშვთა დაცვის დღე 1959 წელს აღნიშნეს და თარიღმა მსოფლიოს 51 ქვეყანა მოიცვა. მას შემდეგ, დღესასწაული, მსოფლიოს თითქმის ყველა ქვეყანაში, ყოველწლიურად აღინიშნება. დღევანდელ დღესთან დაკავშირებით, ბათუმის ცენტრალურ პარკში, დილიდან სხვადასხვა სახის აქტივობა მიმდინარეობს. მოეწყო ბავშვთა ნამუშევრების გამოფენა-გაყიდვა. სადღესასწაულო განწყობის შექმნაზე კოსტიუმირებული ანიმატორები და ზღაპრის გმირები ზრუნავენ. დაეგმილია კონცერტი. აქტივობები, ბათუმის მერიისა და კულტურის ცენტრის მიერაა ორგანიზებული.