#ახალიამბები
ბათუმის მერი არჩილ ჩიქოვანი UNDP-ის სტამბულის რეგიონულ მენეჯერს, თინა სტოუმს შეხვდა. მხარეებმა მუნიციპალური ტრანსფორმაციის პორტფელის მიმდინარეობასა და ციფრული ეკონომიკის განვითარების მიმართულებით შესაძლო თანამშრომლობაზე ისაუბრეს. განიხილეს სამომავლო გეგმები. როგორც UNDP-ის რეგიონულმა მენეჯერმა შეხვედრაზე აღნიშნა, ტრანსფორმაციის პორტფელი ინოვაციური ტექნოლოგიების განვითარებას, ხელმისაწვდომობის ზრდასა და ადგილობრივ მოსახლეობაში პოპულარიზაციას ითვალისწინებს. შეხვედრაზე აღნიშნა, რომ ტრანსფორმაციის პორტფელი გამოცდილი საერთაშორისო ექსპერტების ჩართულობით მზადდება, რომელიც შეიმუშავებს მეთოდებსა და კომპლექსურ მიდგომებს ქალაქის წინაშე არსებული გამოწვევების საპასუხოდ. პროექტი მრავალწლიანია და ოთხ ეტაპად ხორციელდება. ინფორმაცია ვიდეო მასალასთან ერთად ბათუმის მერიამ მოგვაწოდა.