ბათუმის მერი, არჩილ ჩიქოვანი გერმანიის საერთაშორისო თანამშრომლობის საზოგადოების წარმომადგენლებს შეხვდა
იანვარი 30, 2023
148
#ახალიამბები
ბათუმის მერი, არჩილ ჩიქოვანი გერმანიის საერთაშორისო თანამშრომლობის საზოგადოების წარმომადგენლებს შეხვდა. მხარეებმა სატრანსპორტო პოლიტიკისა და მდგრადი ურბანული ტრანსპორტის განვითარებაზე ისაუბრეს. ხაზი გაესვა იმ პროექტების მნიშვნელობას, რომლებიც გერმანიის საერთაშორისო თანამშრომლობის საზოგადოების მეშვეობით ხორციელდება. ურბანული მობილობის სფეროში ურთიერთგაგების მემორანდუმი ორი წლის წინ გაფორმდა, რაც დაგეგმილი აქტივობების მხარდაჭერას ისახავს მიზნად. დასრულების ეტაპზეა ფეხით გადაადგილების კონცეფცია, რომელიც ძველი ბათუმის ტერიტორიაზე ქვეითთათვის მეგობრული გარემოსა და მანქანებისგან თავისუფალი ზონის შექმნას ითვალისწინებს. ინფორმაცია ვიდეო მასალასთან ერთად ბათუმის მერიამ მოგვაწოდა.
მაჩვენე მეტი