#ახალიამბები

ბათუმის თოჯინებისა და მოზარდ მაყურებელთა პროფესიული სახელმწიფო თეატრის ყოფილი სამხატვრო ხელმძღვანელის მიმართ დისკრიმინაცია განხორციელდა. - ამ შეფასებას, „სამართლიანი არჩევნები“ აკეთებს. ორგანიზაცია გიორგი ჩხაიძის ინტერესებს დაიცავს და სამხატვრო ხელმძღვანელის შესარჩევი კონკურსის შედეგებს გაასაჩივრებენ. თავად ჩხაიძე გათავისუფლების ფაქტს, პოლოტიკურ მოტივებს უკავშირებს. ამას კი იმით ხსნის, რომ მისი მუშაობის პერიოდში, კრიტიკული აზრის დაფიქსირებას არ ერიდებოდა. მომჩივანე მხარე მიიჩნევს, რომ გამოცხადებული კონკურსი რომლის თანახმადაც, ახალ ხელმძღვანელად ირაკლი კიკვაძე აირჩიეს, ფორმალური იყო.