#ახალიამბები
სახალხო დამცველმა საკონსტიტუციო სასამართლოს მიმართა. ნინო ლომჯარია ბათუმში დაგეგმილი მშენებლობების განსახორციელებლად დამტკიცებული დროებითი საგამონაკლისო წესის შეჩერებასა და არაკონსტიტუციურად ცნობას ითხოვს. ომბუდსმენის აპარატის განცხადებით, აღნიშნული დროებითი რეგულაცია სამშენებლო კომპანიებს უფლებას აძლევს სამუშაოები უსაფრთხოების, მდგრადობის, სახანძრო უსაფრთხოების და ევაკუაციის წესების დაცვის გარეშე წარმართონ. სადავო რეგულირებით, 2027 წლამდე, დასაშვები გახდა K2 კოეფიციენტისადა შენობა-ნაგებობის მაქსიმალური სიმაღლის ნებისმიერი მოცულობით გადაჭარბება. ასევე, კანონმდებლობით დადგენილი ყველა სხვა სავალდებულო პირობის უგულებელყოფა, გარდა კულტურული მემკვიდრეობის დაცვის კანონმდებლობით განსაზღვრული რეგულაციებისა. სახალხო დამცველი მოსალოდნელი გამოუსწორებელი ზიანის თავიან არიდების მიზნით, კონსტიტუციური სარჩელითვე ითხოვს, შეჩერდეს სადავო ნორმების მოქმედება სასამართლოს საბოლოო გადაწყვეტილების მიღებამდე.