ევროკავშირი და მსოფლიო ბანკი ბუღალტრული აღრიცხვის, ანგარიშგების და აუდიტის რეფორმების მხარდაჭერის ეროვნულ ფონდთან პარტნიორობით 2022 წლის კონკურსს საუკეთესო წლიური ანგარიშის და გამჭვირვალობის ჯილდოს გახსნილად აცხადებენ. BARTA-ს მოსაპოვებლად განცხადებების მიღება უკვე მიმდინარეობს და 31 ოქტომბრამდე გაგრძელდება. ​წლევანდელი BARTA ღიაა საზოგადოებრივი დაინტერესების მქონე ყველა პირისთვის, რომელთა შორის არიან A და B სალისტინგო კატეგორიებში შემავალი კომპანიები, ბანკები თუ სადაზღვევო კომპანიები. როგორც კონკურსის ორგანიზატორები აცხადებენ, ამ კონკურსის მიზანია ქართული კომპანიების ანგარიშგების და გამჭვირვალობის ხარისხის ამაღლება. ევროპული და გლობალური მოვლენების გათვალისწინებით, კერძოდ კი, მდგრადი ანგარიშგების დანერგვის მიმართულებით გადადგმული ნაბიჯების პირობებში, ამ ჯილდოს კიდევ უფრო მნიშვნელოვანი როლი ენიჭება. 2022 წლის კონკურსში მდგრადი ანგარიშის ორი ნომინაციის დაემატა. BARTA ორგანიზატორების თქმით, ანგარიშები უნდა მომზადდეს საყოველთაოდ აღიარებული საფუძვლების გამოყენებით, როგორიცაა წლიური ანგარიშის ნაწილის სახით წარმოდგენილი გლობალური ანგარიშგების ინიციატივა. შეფასების პროცესი კი 3-ეტაპიანია. Საბოლოო გამარჯვებულს კი, ადგილობრივი და საერთაშორისო ექსპერტებისგან შემდგარი ჟიური გამოავლენს.


#ახალიამბები #BusinessMediaGeorgia