#ახალიამბები
სახელმწიფო საზღვარზე დიდი ოდენობით, არადეკლარირებული ოქროს ნაკეთობების შემოტანის ორი ფაქტი აღიკვეთა. ლიბანის მოქალაქემ, ბათუმის აეროპორტის გავლით, თურქეთის რესპუბლიკიდან საქართველოში, საბაჟო კონტროლისაგან მალულად, გადმოიტანა დაახლოებით 11 კილოგრამი ვერცხლისა და მარგალიტისგან დამზადებული სამკაულები. გამოვლინდა, ასევე, საბაჟო გამშვები პუნქტი სადახლოს გავლით, სომხეთის რესპუბლიკიდან 217 გრამი ოქროს შემოტანის მცდელობა. ამოღებული ძვირფასეულობის ჯამური საბაჟო ღირებულება 42 383 ლარს შეადგენს. გამოძიება საქართველოს სისხლის სამართლის კოდექსის 214-ე მუხლის პირველი და მეორე ნაწილებით მიმდინარეობს, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.