საქართველოში კივის მოსავლის აღება დაიწყო, თუმცა დაბალი ხარისხის გამო შესაძლოა პროდუქტი ექსპორტზე მცირე რაოდენობით ან საერთოდ ვერ გავიდეს. მიზეზი უამინდობაა. დარგობრივი ასოციაციის ინფორმაციით, ხარისხის კლებასთან ერთად შემცირდა ღირებულებაც.
თუ ოფიციალურ სტატისტიკას გადავხედავთ, გასულ წელს საქართველოდან 308 ათასი დოლარის, ხოლო 2020 წელს 364 ათასი დოლარის ღირებულების კივი გავიდა ექსპორტზე. ბოლო სამი წლის მონაცემებით, გასაღების ძირითადი ბაზრები რუსეთი, სომხეთი, იაპონია და ყატარია. მათ შორის მთავარ ბაზრებს სომხეთი და იაპონია წარმოადგენენ. რაც შეეხება მიმდინარე წელს განხორციელებულ ექსპორტს, წელს, საქართველოდან 24 ტონამდე კივი ექსპორტზე მხოლოდ სომხეთში გავიდა.

რა მოცულობის მოსავალს ველით წელს და რა უშლით მწარმოებლებს ხელს ექსპორტში?

სტუმარი: დემურ ფიფია - კივის მწარმოებელთა ასოციაციის ხელმძღვანელი



#ახალიამბები #BusinessMediaGeorgia