კორონავირუსის ახალი შტამი რომელიც შეერთებულ შტატებში დომინანტური გახდა, სულ რაღაც რამდენიმე კვირაში, შეიძლება, დაინფიცირების შემთხვევების ახალი ტალღა გამოიწვიოს, – ამის შესახებ ჯანდაცვის მსოფლიო ორგანიზაციის ოფიციალურმა წარმომადგენელმა, მარია ვან კერხოვმა გასული კვირის ბოლოს განაცხადა.

ჯერჯერობით, ორგანიზაციას არ აქვს ზუსტი ინფორმაცია, რამდენად სერიოზულად შეიძლება წარიმართოს ახალი შტამის მიმდინარეობა, თუმცა ამ დროისთვის არსებული დაკვირვება აჩვენებს, რომ სხვა ვარიანტებთან შედარებით ის მძიმედ არ მიმდინარეობს. ვირუსის ახალი შტამი მსოფლიოს 29 ქვეყანაშია გამოვლენილი.

რაც შეეხება საქართველოს, ამჟამად ქვეყანაში რამდენიმე სახეობის რესპირატორული ვირუსი ცირკულირებს. წამყვანია „ა“ გრიპის ვირუსი, ასევე, ფიქსირდება „ბ“ ტიპის ვირუსი და საკმაოდ ხშირია რესპირატორულ-სინციტიური ვირუსი, რომელიც განსაკუთრებით პრობლემებს გვიქმნის 5 წლამდე ასაკის ბავშვებში და ხანდაზმულებში. ინფექციონისტები აცხადებენ, რომ მდგომარეობა შესაძლოა კიდევ უფრო გართულდეს სასწვალო პროცესის დაწყების შემდეგ.

სტუმარი: ივანე ჩხაიძე - იაშვილის სახელობის ბავშვთა ცენტრალური საავადმყოფოს სამედიცინო დირექტორი.

#ახალიამბები #BusinessMediaGeorgia