#ახალიამბები
აჭარის მთავრობა ხანძრისა და სტიქიის შედეგად დაზარალებულ 72 ოჯახს ფინანსურ დახმარებას გაუწევს. შერეულ სამთავრობო კომისიას შუამდგომლობები აჭარის ექვსივე მუნიციპალიტეტის მერიების ხელმძღვანელებმა წარუდგინეს. განხილული იქნა ხანძრის შედეგად დაზარალებული 8, ხოლო, სტიქიური პროცესების შედეგად დაზარალებული 63 ოჯახის დახმარების საკითხი. ფინანსური დახმარებისთვის მთავრობის სარეზერვო ფონდიდან 711 010 ლარი გამოიყოფა. კომისიის რეკომენდაცია აჭარის მთავრობის თავმჯდომარეს უახლოეს დღეებში წარედგინება. მთავრობის სარეზერვო ფონიდან გამოყოფილი თანხა დაზიანებული საცხოვრებელი სახლების აღდგენა/მშენებლობა/რეაბილიტაციას მოხმარდება. გასულ წელს აჭარის მთავრობის სარეზერვო ფონდიდან სტიქიისა და ხანძრის შედეგად დაზარალებული 158 ოჯახი დაფინანსდა, გამოიყო მილიონ 924 153 ლარი. ინფორმაცია, ვიდეო მასალასთან ერთად, აჭარის მთავრობის ადმინისტრაციამ მოგვაწოდა.