#ახალიამბები
აჭარის მთავრობა ხანძრის და სტიქიის შედეგად დაზარალებულ 197 ოჯახს დაეხმარება. გადაწყვეტილება შერეული სამთავრობო კომისიის სხდომაზე მიიღეს. აქედან 38 ოჯახი ხანძრის, ხოლო 159 ოჯახი სტიქიის შედეგად დაზარალდა. კომისიის რეკომენდაციით, დაზარალებულ ოჯახებს საცხოვრებელი ფართების აღდგენა-გამაგრების და ადგილმონაცვლეობისთვის, სარეზერვო ფონდიდან, ჯამში 1 591 371 ლარი გამოეყოფა. დოკუმენტი დასამტკიცებლად უახლოეს დღეებში მთავრობის თავმჯდომარეს გადაეგზავნება. გასულს წელს ამ მიმართულებით 4 676 395 ლარი დაიხარჯა.