თებერვალი 15, 2023
88
#ახალიამბები
ბათუმში განთავსებულ უცხო ენოვან სარეკლამო აბრებზე სამართლებრივი ღონისძიებები დაიწყო. ფაქტზე რეგირება ბათუმის მუნიციპალურმა ინსპექციამ TV25-ის რეპორტაჟის შემდეგ მოახდინა. საქმე არასათანადო რეკლამის განთავსებისა და გავრცელებისთვის დადგენილი წესების დარღვევას ეხება. ცნობისთვის, სარეკლამო აბრაზე წარწერა შესრულებული უნდა იყოს სახელმწიფო ენაზე და მას უცხოურენოვანი წარწერა ზომით არ უნდა აღემატებოდეს. დარღვევის დაფიქსირების შემთხვევაში, ფიზიკური პირი 500 ლარით, იურიდიული პირი კი, 3000 ლარით ჯარიმდება. მუნიციპალური ინსპექციის ინფორმაციით, გასულ წელს, სანებართვო პირობების დარღვევით განთავსებული 238 სარეკლამო ბანერისა და კონსტრუქციის დემონტაჟი განხორციელდა.
მაჩვენე მეტი