მიმდინარე კვირა ინვესტორებისა და ტრეიდერებისათვის სიახლეებით აღსავსე იქნება. სამშაბათს ამერიკის შეერთებული შტატების ფედერალური რეზერვის ხელმძღვანელი, ჯერომ პაუელი საჯაროდ გამოვა და მონეტარული პოლიტიკის შესახებ განცხადებას გააკეთებს. პაუელის საუბრის ტონს ინვესტორები უდიდეს მნიშვნელობას ანიჭებენ, რადგან ჯერაც არის იმის საკმაოდ მაღალი რისკი, რომ FED-მა რეფინანსირების განაკვეთი დაგეგმილზე 25 საბაზო პუნქტით უფრო მეტად გაზარდოს, რასაც, ცხადია, უაღრესად ნეგატიური გავლენა ექნება გლობალურ საფონდო ბირჟებზე.

მიმდინარე კვირის მეორე მნიშვნელოვანი მოვლენაც აშშ-ს უკავშირდება, ამ შემთხვევაში ფედერალური სტატისტიკის სამსახურს, რომელმაც სამუშაო ძალის შესახებ მონაცემები უნდა გაასაჯაროოს. უმუშევრობის დონე იმ კრიტიკულ ინდიკატორთა შორისაა, რომელსაც ფედერალური რეზერვი უშუალოდ ითვალისწინებს მონეტარული პოლიტიკის განსაზღვრის პროცესში.

გარდა ამისა, მიმდინარე კვირას ცნობილი გახდება ჩინეთისა და იაპონიის ძირითადი მაკროეკონომიკური ინდიკატორები, მათ შორის, ინფლაციისა და მთლიანი შიდა პროდუქტის ზრდის მაჩვენებლები.

ინფლაციისა და ეკონომიკური ზრდის წინასწარ შეფასებებს გაავრცელებენ: კანადის, დიდი ბრიტანეთის, გერმანიისა და ავსტრალიის სტატისტიკის ეროვნული სამსახურებიც.

სტუმარი: რატი მესხიშვილი - Galt & Taggart-ის უფროსი ასოცირებული ბროკერი;


#ახალიამბები #BusinessMediaGeorgia