#ახალიამბები
ბათუმის შემოერთებულ ტერიტორიებზე წყლისა და წყალარინების სისტემების რეაბილიტაცია იწყება. მერიის პრესსამსახურის მიერ მოწოდებულ ინფორმაციაში აღნიშნულია, რომ ბათუმის კომუნალური ინფრასტრუქტურის რეაბილიტაციის პროექტის მეხუთე ფაზის სამუშაოების დაწყებასთან დაკავშირებით, რომელიც KfW-ის შეღავათიანი სესხისა და გრანტის ფარგლებში ხორციელდება, მხარეებმა ხელშეკრულება გააფორმეს. პროექტის თანახმად, ადლიის წყალარინების გამწმენდი ნაგებობის, ა და ბ სატუმბი სადგურების გაფართოება, აეროპორტის, ინდუსტრიული და კახაბრის დასახლებების წყალარინების სისტემების მოწყობა, ინჯალოს წყლის სამარაგო რეზერვუარის, წყალსადენის და სასმელი წყლის მკვებავი ხაზის მშენებლობა, ასევე, მეჯინისწყლის ჭაბურღილების წარმადობის გაზრდა იგეგმება. ხელშეკრულებით გათვალისწინებული საინვესტიციო მოცულობა 78 მილიონ ევროს შეადგენს.