#ახალიამბები
აჭარის მუნიციპალიტეტებში, წყლის და წყალარინების სისტემების მშენებლობა იწყება. ხელშეკრულებას ხელი ოფიციალურად დღეს მოეწერა. ინფრასტრუქტურული პროექტის ფარგლებში, უწყვეტი წყალმომარაგება უახლოეს ორ წელში რეგიონის 39 სოფელსა და დაბაში უნდა განხორციელდეს. 2024 წლისთვის, გათვალისწინებულია ათი სათავე ნაგებობის, ცხრა რეზერვუარის, შვიდი გამწმენდი ნაგებობის მშენებლობა, მაგისტრალური ქსელების მოწყობა და სხვა. რეგიონის მუნიციპალიტეტებში სამუშაოები ერთდროულად დაიწყება და ახალ ქსელზე, 24 საათიანი წყალმომარაგებით, პირველ ეტაპზე, სოფლები: მილისი, უჩხითი, ქოსოფელი, კირნათი, კობალეთი, ცეცხლაური, ოჩხამური, ჯიხანჯური, ქვედა კვირიკე და მუხაესტატეს მეურნეობის დასახლება ისარგებლებენ. პროექტს, „აჭარის წყლის ალიანსი“ გერმანიის რეკონსტრუქციის საკრედიტო ბანკისა და ევროკავშირის მხარდაჭერით განახორციელებს.