საახალწლო პერიოდს, არაერთ სასიამოვნო მომენტთან თუ ტრადიციასთან ერთად, ახლავს ერთი უმნიშვნელოვანესი და ამ დრომდე მოუგვარებელი საკითხი, რომელსაც პიროტექნიკა და მისით გამოწვეული პრობლემები ჰქვია.

საქსტატის მონაცემებით, საქართველოში 2023 წლის იანვარი-ნოემბრის პერიოდში 5.6 მილიონი დოლარის ღირებულების პიროტექნიკის იმპორტი განხორციელდა.

ამავე მონაცემების თანახმად, 11 თვეში ქვეყანაში 616,4 ტონა პიროტექნიკა შემოვიდა, 2022 წლის 11 თვეში კი უფრო მეტი - 777.1 ტონა. რაც შეეხება ფინანსურ რესურსს, 2022 წელს ქვეყანას ერთი ტონა პიროტექნიკის შესყიდვა 7 484 დოლარი დაუჯდა, წელს კი 9 112 დოლარი.

სამწუხაროდ საქართველოში პიროტექნიკის შედეგად გამოწვეული დაზიანებები და დამწვრობები ყოველწლიურად ფიქსირდება, თუმცა წელს ამ მხრივ რამდენადაც სხვადასხვა სამედიცინო დაწესებულების ხელმძღვანელების მხრიდან მოვისმინეთ, რაოდენობა შედარებით მცირე იყო. მედიაში გავრცელებული ინფორმაციით, 2 ადამიანი მკურნალობდა ქუთაისში, 2 ბათუმში და რამდენიმე ადამიანი თბილისში.

სტუმარი: გუგა ქაშიბაძე - დამწვრობის ცენტრის ხელმძღვანელი;

#ახალიამბები #BusinessMediaGeorgia