გასული კვირის მიწურულს აუდიტმა საქართველოში ფსიქიკური ჯანმრთელობის ანგარიში წარადგინა, რომელიც 2018 წლიდან 2022 წლამდე პერიოდს მოიცავს. ანგარიში ფსიქიკური ჯანმრთელობის მიმართულებით სახელმწიფო პოლიტიკას და გატარებული ღონისძიებების ეფექტიანობას ეხება და ამბობს, რომ სტრატეგიული დოკუმენტების არსებობის მიუხედავად, გამოწვევად რჩება პოლიტიკის ფარგლებში დაგეგმილი აქტივობების შესრულება, სანდო ინფორმაციის არსებობა და ხარჯების ეფექტიანად განკარგვის მიზნით დაფინანსების მექანიზმის შემუშავება. აუდიტმა დაადგინა, რომ:
2015-2020 და 2022-2030 წლების სტრატეგიებში მნიშვნელოვან გამოწვევად ერთი და იგივე მიმართულებები, ისეთი როგორიც არის ადამიანური რესურსის ნაკლებობა, ამბულატორიული მომსახურების გაძლიერება, მომსახურების ხარისხის ამაღლება, მომსახურებაზე გეოგრაფიული ხელმისაწვდომობის გაზრდა და სხვ.

საინტერესოა, რომ „ფსიქიკური ჯანმრთელობის შესახებ“ საქართველოს კანონის მიხედვით, ბენეფიციარებმა მომსახურება უნდა მიიღონ ლიცენზირებულ ამბულატორიულ დაწესებულებებში, თუმცა კანონში „ლიცენზირებისა და ნებართვების შესახებ“, ფსიქიკური ჯანმრთელობის სერვისის მიმწოდებელ დაწესებულებაზე ლიცენზიის ფლობის მოთხოვნა განსაზღვრული არ არის;

ამასთან სამედიცინო მომსახურების მიმწოდებელი 12 სტაციონარული დაწესებულებიდან მონიტორინგი ძირითადად, 3 დაწესებულებაში ხორციელდებოდა. დანარჩენი 9 -ში შეუმოწმებელი შემთხვევების რაოდენობა მერყეობს 83%-დან 98%-მდე;

2019-2021 წლებში ბავშვთა და მოზრდილთა სტაციონარების საწოლების დატვირთვა 5 სამედიცინო დაწესებულებაში აჭარბებდა 100%-ს, მათ შორის, ფიქსირდება შემთხვევები, როდესაც დატვირთვა 3-ჯერ აღემატებოდა ზღვრულ შესაძლებლობებს.

როგორია ფსიქიკური ჯანმრთელობის პოლიტიკა და მისი აღსრულების მექანიზმები საქართველოში?

სტუმარი: ეკა ჭყონია - თსსუ პროფესორი, "ალიანსი უკეთესი ფსიქიკური ჯანმრთელობისთვის" თავმჯდომარე;



#ახალიამბები #BusinessMediaGeorgia