ეს იყო ერთჯერადი მსხვილი ტრანზაქცია, რომელიც ლარზე ზეწოლის თავიდან ასაცილებლად და არასწორი მოლოდინების ჩამოყალიბების გასანეიტრალებლად განხორციელდა - ასე განმარტავს ეროვნული ბანკის ვიცეპრეზიდენტი , ეკატერინე მიქაბაძე სებ-ის მიერ გუშინ განხორციელებულ მსხვილ სავალუტო ინტერვენციას. ეროვნულმა ბანკმა გუშინ 2024 წლის რიგით მეხუთე სავალუტო ინტერვენცია განახორციელა და აუქციონზე გასაყიდად 70 მილიონი დოლარი გამოიტანა, საიდანაც ბაზარმა 64.9 მილიონი დოლარი აითვისა. ეკონომისტების ნაწილის შეფასებით კი სებ-ი სავალუტო ინტერვენციებს წინასაარჩევნოდ ლარზე ზეწოლის მოსახსნელად მიმართავს. როგორია ეროვნული ბანკის პოზიცია და შეფასებები სებ-ის ბოლოდროინდელ პოლიტიკაზე?


#ახალიამბები #BusinessMediaGeorgia