უეფა-ს გადაწყვეტილებით, ჩემპიონთა ლიგის ძირითადი ეტაპის მატჩს გრაცის „შტურმსა“ და ლისაბონის „სპორტინგს“ შორის ქართველ მსაჯთა ბრიგადა გაუძღვება.

შეხვედრის მთავარი არბიტრი გიორგი ყრუაშვილია, მას დახმარებას ლევან ვარამიშვილი და ზაზა ფიფია გაუწევენ, მეოთხე მსაჯი კი გიორგი ავაზაშვილი იქნება.

VAR-ის ოთახში იმუშავებენ ალესანდრო დი პაოლო და ლუკა პაირეტო იტალიიდან.

ისტორიული ამბავი იმიტომაცაა, რომ ქართველ მსაჯებს აქამდე მხოლოდ ჩემპიონთა ლიგის საკვალიფიკაციო ეტაპზე უმუშავიათ, ჯგუფურ ეტაპზე კი, რომელიც მიმდინარე სეზონიდან ლიგის ფაზით შეიცვალა, ქართველები პირველად იმსაჯებენ. საქმიანმა საზოგადოებამ იცით და ჩვენგანაც გაქვთ გასულ კვირას მოსმენილი, რომ გიორგი ყრუაშვილი და მისი ასისტენტები ცოტა ხნის წინ უეფა-ს ერთა ლიგაზე ფინეთისა და ინგლისის ეროვნული ნაკრების თამაშს ემსახურებოდნენ.

#ახალიამბები #BusinessMediaGeorgia