AV Georgia-სა და საქართველოს საავიაციო უნივერსიტეტს შორის არსებული თანამშრომლობის ფარგლებში, თბილისის საერთაშორისო აეროპორტში სტაჟიორების მორიგი ნაკადი მიიღეს. დღეიდან, 1 თვის განმავლობაში თბილისის აეროპორტის სახმელეთო მომსახურების დეპარტამენტში საავიაციო უნივერსიტეტის ბიზნესის ადმინისტრირების საბაკალავრო პროგრამის 30-მდე სტუდენტი გაივლის პრაქტიკას, სტაჟირების დასრულების შემდეგ ყველა მათგანს აქვს შესაძლებლობა, გამოხატოს AV Georgia-ში დასაქმების სურვილი და გაიაროს შესაბამისი გასაუბრება და ტესტირება. AV Georgia და საქართველოს საავიაციო უნივერსიტეტი შესაბამისი მემორანდუმის ფარგლებში უკვე წლებია ერთობლივად მუშაობენ სტუდენტთა პრაქტიკული უნარების განვითარებაზე და საავიაციო სფეროში კვალიფიციური კადრების მომზადებაზე. ეს თანამშრომლობა გულისხმობს დამამთავრებელი კურსის სტუდენტებისთვის აეროპორტის მგზავრთა მომსახურებისა და ფრენების ოპერირების სამსახურებში სამუშაო პრაქტიკის შეთავაზებას, რაც სტუდენტებს სასწავლო კრედიტებში ეთვლებათ.


#ახალიამბები #BusinessMediaGeorgia