გასული ორი კვირის განმავლობაში საზოგადოებაში განხილვის მთავარი თემა ბაკურიანის წყლით ბავშვის სავარაუდოდ ინფიცირების შემთხვევა იყო. სოციალურ ქსელში გავრცელდა ინფორმაცია, რომ „ბაკურიანი ციდას“ დალევის შემდეგ ბავშვი და დედა საავადმყოფოში გადაიყვანეს.

ფაქტთან დაკავშირებით კომპანიამ მალევე გაავრცელა ინფორმაცია და თქვა, რომ გადამოწმდა კონკრეტულ მაღაზიაში (სადაც მათ ხელთ არსებული ინფორმაციით მოხდა პროდუქტის შეძენა) ნიმუშები და დარღვევა არ გამოვლენილა. პარალელურ რეჟიმში, შემოწმდა ქსელში არსებული ყველა პარტიის ნიმუში, სადაც დარღვევა არ დაფიქსირებულა. კომპანიის ცნობითვე, ასევე გადამოწმდა საწარმოო პროცესის სრული ტექნოლოგიური ციკლი, რომელიც გამორიცხავს პროდუქტში რაიმე უცხო ნივთიერების მოხვედრას.

მოკვლევა დაიწყო სურსათის ეროვნულმა სააგენტომაც, წყალი რამდენიმე პარამეტრზე შემოწმდა, ლაბორატორიული კვლევის შედეგად კი „ბაკურიანი ციდას“ წყლის ნიმუშებში დარღვევა არ გამოვლინდა. ასევე არსებობს ოჯახის მიერ გავრცელებული სასამართლო ექსპერტიზის ბიუროს დასკვნა, რომელიც წყალში მძიმე მეტალის - აზოტმჟავას არსებობას ადასტურებს.

ბოლო 2 კვირაში იყო კიდევ ერთი შემთხვევა - სურსათის ეროვნულმა სააგენტომ პურ-ფუნთუშეულის მწარმოებელ კომპანია „იფქლს“ საწარმოო ხაზი კრიტიკული შეუსაბამობის გამო გაუჩერა. მიზეზი მომხმარებლის მიერ სუპერმარკეტების ქსელ ორ ნაბიჯში შეძენილ პურში აღმოჩენილი უცხო სხეული გახდა. კომპანიაში ირწმუნებიან, რომ "იფქლის" წარმოების პური „ორი ნაბიჯის“ ქსელში არ იყიდება და მომხმარებლის მიმართვა მათ პურს არ ეხებოდა. მოკლედ რომ ვთქვათ, სოციალურ ქსელში საკმაოდ ბევრი იწერება, ოფიციალური განცხადებები კი საკმაოდ ბევრი ინტერპრეტაციის შესაძლებლობას უშვებს, ამიტომ გადავწყვიტეთ სტუმართან ერთად ვისაუბროთ,

ზოგადად რა უნდა ვიცოდეთ სურსათის უვნებლობასთან დაკავშირებით და როგორი უნდა იყოს მსგავსი ფაქტების დაფიქსირების დროს ერთის მხრივ სახელმწიფო მაკონტროლებელი უწყებების და მეორეს მხრივ პასუხისმგებლობიანი ბიზნესის კომუნიკაციის ხარისხი საზოგადოებასთან?

სტუმარი: ვახტანგ კობალაძე - "სტრატეგიული კვლევისა და განვითარების ცენტრის“ პროგრამის კოორდინატორი;

#ახალიამბები #BusinessMediaGeorgia