ჩინეთის ქალაქ ჰაიკოუში (ჰაინანის კუნძულზე) მაიმუნმა ზოოპარკის დამთვალიერებელს ტელეფონი მოპარა. "UPI"-ის ცნობით, ცხოველმა გაჯეტს სწორედ მაშინ სტაცა ხელი, როდესაც ქალი სელფის გადასაღებად მისი გალიის წინ შეჩერდა. პატრონმა მაიმუნს ტელეფონი არ დაუთმო. მან ორივე ხელი ჩასჭიდა მობილურს და თავისკენ მიიზიდა. მცირე წინააღმდეგობის შემდეგ მან დაიბრუნა თავისი ტელეფონი.
ჯორჯმა, რომელიც ერთ დროს მაშველად მუშაობდა, იცოდა, რომ მის სიახლოვეს გაჩენილი ტყის ხანძრის შედეგად ბევრი გარეული ცხოველი დაიღუპებოდა. იგი ყოველდღე დადიოდა იმ ცოცხალი არსებების მოსაძებნად, რომლებსაც შველა სჭირდებოდათ. ერთ დღეს სახლში ფოცხვერის ნაშიერთან და შვლის ნუკრთან ერთად დაბრუნდა. გარეული ცხოველები ხანძარს დამოუკიდებლად თავს ვერ გაართმევდნენ. სწორედ ამიტომ ჯორჯმა მათი შეფარება გადაწყვიტა. ამ სიტუაციაში მხოლოდ ორი გამოსავალი არსებობს... პირველი: ველური ბუნება უნდა დარჩეს ადამიანის ჩარევის გარეშე, რათა კანონზომიერება არ დაირღვეს. მეორე: ადამიანები უნდა დაეხმარონ იმ გარეულ ცხოველებს, რომლებსაც შველა სჭირდებათ. ჯორჯმა საკუთარი არჩევანი გააკეთა. მამაკაცი დარწმუნებული იყო, რომ მისი დახმარების გარეშე პატარა არსებები ვერ გადარჩებოდნენ. ამიტომ, ისინი სახლში დატოვა.
კატა კომფორტის მოყვარული ცხოველია. ვინ წარმოიდგენს, რომ ეს უცნაური არსება, თუნდაც ოჯახის წევრის დაცვის მიზინით, რაიმე უმნიშვნელოს გააკეთებს. ყოველი შემთხვევისთვის, ასე ფიქრობენ ის ადამიანები, ვისაც კატა არ ჰყავს და მათი ნაწილი, ვის სახლშიც ეს ფუმფულა არსება ბინადრობს, თუმცა, ამ უჩვეულო ვიდეოს ხილვის შემდეგ კატებზე წარმოდგენა ნამდვილად შეეცვლებათ. ამ კადრების ხილვის შემდეგ ყველა დარწმუნდება, რომ კატა არა მარტო საკუთარი თავის, არამედ ოჯახის წევრების გულშემატკივარი და დამცველია. მამაკაცი ცოლის ცემის იმიტირებას ახდენს. ქალი კივის, ამ დროს კი მათი კატა მამაკაცთან მირბის - ფხაჭნის და კბენს, რათა პატრონი დაიცვას. ცხოველი მამაკაცის მიმართ განწყობილია აგრესიულად იმ დროსაც კი, როცა ის ცოლისგან მოშორებით სავარძელზე ზის და იცინის. ვინ წარმოიდგენდა, რომ ეს უწყინარი ბინადარი ასეთ სიმამაცეს გამოიჩენდა და ძაღლის მსგავსად, პატრონის დამცველად მოგვევლინებოდა. თუ ცხოველთა ფსიქოლოგებს დავუჯერებთ, კატა ღიზიანდება, როდესაც ოჯახის რომელიმე წევრი იჩაგრება და იგი კამათის დროს ყოველთვის ირჩევს მხარეს, უმეტეს შემთხვევაში - დაუცველის.
აფრიკულ სავანაში ბრაკონიერების ცხოველებისგან დასაცვად დრონის გამოყენება დაიწყეს. მფრინავი აპარატები სპილოებისა და მარტორქების კოგებს მეთვალყურეობენ, რადგან ამ ცხოველებს ყოველწლიურად ათასობით ხოცავენ. ცხოველთა დამცველების თქმით, ვიდეოგადაღება ზემოდან მათ ბრაკონიერების დაფრთხობაში ეხმარება, თუმცა, მთლიანობაში ამ პრობლემას მაინც ვერ აგვარებს, რადგან ფინანსების ნაკლებობისა და კორუფციის გამო, ხშირად წესის დამღვევებს არც კი აპატიმრებენ.
ს უცნაური და სახალისო ვიდეო ტვიტერის ერთ-ერთმა მომხმარებელმა საკუთარ გვერდზე გაავრცელა. მისი თქმით, კადრები გადაღებულია სამხრეთ იაპონიის ქალაქ ნაგანოს ზოოპარკში.ვიდეოში აღბეჭდილია, თუ როგორ ხსნის ზოოპარკის თანამშრომელი ლუქს, საიდანაც ამოდის პუტკუნა და ფუფმულა ენოტი, თუმცა, შემდეგ ის უკმაყოფილოდ ბრუნდება ჭაში და არ ავიწყდება დახუროს ლუქის თავსახური. ეს მომენტი კი ვიდეოს კულმინაცია იყო. როგორც ჩანს, მას არ მოეწონა ადამიანების ხილვა. ვიდეოში აღბეჭდილ ცხოველს ზოგიერთი ადამიანი დისნეის გმირს ამსგავსებს. ის სოციალურ ქსელში ნამდვილ სენსაციად იქცა, ხოლო ორიგინალმა ვერსიამ 77 ათასი მოწონება და 52 ათასი კომენტარი მიიღო.
პატრონებმა, როგორც იქნა, თავის უზარმაზარ პიტბულ მენის დართეს ნება, კატების ოთახში შესულიყო.თეთრი კნუტი ძაღლის დანახვისას თითქოს ქანდაკებად იქცა იმ იმედით, რომ შეუმჩნეველი დარჩებოდა.აბა სხვა რა დარჩენია ასეთ სიტუაციაში?! მასიური პიტბული ზრდასრულ ადამიანს აშინებს და რა უნდა ვთქვათ ამ ციცქნა ფუმფულა არსებაზე? ახლა პატარები უკიდურესად ღელავენ, მაგრამ პატრონებმა იციან, რომ სულ მალე ისინი და უზარმაზარი ძაღლი საუკეთესო მეგობრები გახდებიან!
ჰასკი საოცრად ამაყი, გრაციოზული და დიდებული ძაღლის ჯიშია. მისი ნდობის მოპოვება და დამეგობრება ძალიან რთულია.რამდენიმე თვის წინ ამ ჰასკის პატრონებს შვილი შეეძინათ. ბავშვმა იატაკზე ცოცვა ისწავლა და ოჯახის ბინადარ ჰასკს მიუახლოვდა. პირველი რამდენიმე წამი ძაღლი პატარას მოქმედებებზე არ რეაგირებდა, მაგრამ შემდეგ ყინული გალღვა და ცხოველმა პატარა ადამიანი კოცნით აავსო. მან ბავშვის მიმართ დიდი სითბო და სიყვარული გამოხატა.იხილეთ სახალისო ვიდეო, რომელიც განწყობას გაგიუმჯობესებთ.
ევროპაში ყველაზე ასაკოვანი შიმპანზე, სახელად მამა, 59 წლის იყო. იგი ნიდერლანდების სამეფო ზოოპარკში მაიმუნების კოლონის მატრიარქად ითვლებოდა. მამა ავად იყო და საკვებზეც უარს ამბობდა. ის სიცოცხლის ბოლო დღეებს ითვლიდა და თითქოს ძალაც გამოლეოდა, თუმცა, ძველი მეგობრის ხილვა საოცრად ემოციური აღმოჩნდა. 59 წლის შიმპანზე უბრალოდ იწვა და სიცოცხლის დასასრულს ელოდა. პროფესორი იან ვან ჰაფი მას 1972 წლიდან იცნობდა და, შეიძლება ითქვას, ისინი საუკეთესო მეგობრები იყვნენ. ამიტომ, როცა ჰაფმა მისი ამბავი შეიტყო, მეგობარს უკანასკნელად ესტუმრა.ხნიერი შიმპანზის რეაქცია სულისშემძვრელი და ემოციური იყო: პირველად მაიმუნმა ჰოფის ხელიდან საკვები მიიღო, მაგრამ თავიდან ვერ მიხვდა, თუ ვინ იყო ეს ადამიანი, ხოლო შემდეგ გაახილა თვალი და ძველი მეგობარი იცნო.პროფესორის დანახვისას ცხოველმა უჩვეულო ხმები გამოსცა, რაც სიხარულს გამოხატავდა. ის ეფერებოდა ჰოფს და ეხუტებოდა, თითქოს სამუდამოდ ემშვიდობებოდა.სამწუხაროდ, შეხვედრიდან რამდენიმე დღის შემდეგ შიმპანზე მოკვდა, თუმცა, მან ეს წლები მოსიყვარულე ადამიანებისა და სხვა მაიმუნების გარემოცვაში უზრუნველად გაატარა. ასევე იხილეთ:
ჩიკაგოს მახლობლად მდებარე ბრუკფილდის ზოოპარკის ბინადრებს თავის ფორმის გამოჭრილი გოგრები აჩუქეს.”ჯეკის სანათური” Helloween-ის მთავარი სიმბოლოა, ყველა წმინდანის (ასევე უწმინდური ძალების), რომლებსაც ინგლისურენოვანი ქვეყნები 31 ოქტომბერს აღნიშნავენ. იმისთვის, რომ ცხოველები ამ ატრიბუტით უფრო დაინტერესებულიყვნენ, გოგრის შიგნით სასუსნავები ჩაყარეს.
ექსტრემის მოყვარულთათვის საფრთხის შემცველი სიტუაციები უცხო არაა. ისინი თითქმის ყოველდღე ცეცხლს ეთამაშებიან. ინსტრუქტორების ჯგუფმა გადაწყვიტა ფლორიდაში, ე.წ. ზიპლაინი (zipline) გამოეცადა. მათ წყალზე გაჭიმეს მყარი და ძლიერი თოკი, თუმცა, ნამდვილი პრობლემა იმ დროს შეიქმნა, როდესაც საცდელ ადგილად ალიგატორებით სავსე ტბა შეარჩიეს. პირველი დაშვების დროს, ერთ-ერთმა ინსტრუქტორმა ალიგატორს რამდენიმე სანტიმეტრის დაშორებით ჩაუქროლა. ცხოველს მისი დაჭერის მცდელობა ჰქონდა, ქალი ისტერიკაში ჩავარდა, მაგრამ სამშვიდობოს გავიდა. საბედნიეროდ, სპორტსმენი მის კბილებს გადაურჩა. ექსტრემალი იღბლიანი აღმოჩნდა, რადგან თოკი სულ რამდენიმე სანტიმეტრით აშორებდა მტაცებლებს.
სამხრეთ ფლორიდაში თავისუფლად მოსეირნე ქათამი არავის აკვირვებს, მაგრამ აი მოცურავე ქათამი აქ ჯერ კიდევ არავის უნახავს. პატრონი ქალბატონის თქმით, ქათამი სახელად ლორეტა ისე იქცევა, როგორც ძაღლი - ყველგან დაყვება ადამიანებს. ერთხელ ის საპსერფინგის დაფაზე შეხტა. აღმოჩნდა, რომ ფრინველს მშვენივრად გადააქვს ზღვის მოგზაურობა და მოძრავ დაფაზე შესანიშნავად ინარჩუნებს წონასწორობას.
ჩინელი ქალბატონი სარეცხ მანქანაში თეთრეულის გარეცხვას აპირებდა და უეცრად იქ.. უზარმაზარი მახრჩობელა აღმოაჩინა. დაუპატიჟებელი სტუმრის სანახავად მთელი სოფელი მოვიდა. შემდეგ გამოიძახეს ველური ცხოველების დამჭერი სპეციალისტი. ჩინეთის მცხოვრების სახლში მახრჩობელა შეიპარა და სარეცხ მანქანასი მოკალათდ. თავიდან ქალმა ის თეთრეულისგან ვერ გაარჩინა, მაგრამ შემდეგ გველი ამოძრავდა. დასახმარებლად მეზობლები მოვიდნენ, მაგრამ მიუხედავად იმისა, რომ მახრჩობელა არ არის შხამიანი, მისი იქიდან გამოყვანა ვერავინ გაბედა. ამის შემდეგ ადგილზე სპეციალისტები მივიდნენ. ჩინეთში მახრჩობელა გველებს კანონი იცავს და მათი მოკვლდა აკრძალულია. სპეციალისტებმა გველი ფრთხილად გამოიხსნეს სარეცხი მანქანიდან და ველური ცხოველების სარეაბილიტაციო ცენტრში გადაიყვანეს. (გამოქვეყნებულ ვიდეოში გველის წონა შეცდომით არის მითითებული. სინამდვილეში მახრჩობელა 26 კილოს იწონიდა. ამის მიუხედავად ეს რეკორდთან ახლოსაა, რადგან მსხცილი მახრჩობელების წონა 27 კილოს აღწევს).
როცა მაშველებმა ლიამი იპოვეს, ის დაფარული იყო შრამებით და ჭრილობებით. როგორც ჩანს ძაღლი ძაღლების ბრძოლებში იღებდა მონაწილეობას და პირველად შეხვდა ადამიანებს, რომლებმაც მართლა გაიზიარეს მისი ბედი და დარდი. ამის შემდეგ ამ საოცარ ძაღლთან ყოველთვის იქნება სათამაშო და არა მოწინაარმდეგე, რომელსაც ის თავს უნდა დაესხას მხოლოდ იმიტომ, რომ თავი გადაირჩინოს. ლიამმა კვლავ ისწავლა ადამიანების ნდობა.
ვიეტნამის პროვინცია ტხანხოაში სამი წლის ბავშვმა გიგანტური პითონი ”გააჭენა”.გამოცემა Daily Mail-ს ცნობით, ინტერნეტში გამოჩენილ ვიდეოზე ბავშვი ექვმეტრიან პითონზე ზის. გველი არ ცდილობს მის მოცილებას.ბავშვის დეიდამ აღნიშნა, რომ ოჯახს პითონი უკვე 4 წელა ყავს როგორც შინაური ცხოველი.იმ დღეს წვიმდა და წყალიმა ეზოს ნაწილი დაფარა, - განმარტა მან, - ჰო და ოჯახმა პითონი გამოუშვეს, რომ წყალში ეთამაშა.ვიდეო სწორედ იმ წყალდიდობის დროს გადაიღეს, რომლის გამო ვიეტნამის პროვინცია ტხანხოაში, ნგეანში და ხატინში 5000-ზე მეტი ადამიანის ევაკუაცია მოახდინეს. სტიქიას 54 ადმაიანი შეეწირა, ხოლოდ 39 უგზოუკვლოდ დაიკარგა.
ბრიტანეთის სანაპირო დაცვამ შოტლანდიის ნაპირებთან გადაარჩინა ძაღლი, რომელიც ზღვაში ჩავარდა და დინებამ გაიტაცა.Aberdeen Evening Express-ის ცნობით, ძაღლი ზღვამ დილის სეირნობის დროს გაიტაცა. მომხდარის შესახებ სანაპირო დაცვამ შეიტყო. მის საძებრად შვეულმფრენი გაემართა, რომელიც სსწავლო ფრენას ასრულდებდა. ეკიპაჟმა მალე იპოვა დაკარგული ცხოველი.შვეულმფრენი ცხოველის თავზე გაჩერდა და მაშველების მოსვლას დაელოდა.”მათ ძაღლი ნავზე აიყვანეს და ნაპირზე მომლოდინე პატრონებს დაუბრუნეს”, - განმარტა ორგანიზაციის წარმომადგენელმა.ზღვისპირა დაცამ გადარჩენის ვიდეო Twitter-ში გამოაქვეყნა.ცხოველის სიცოცხლეს არაფერი ემუქრებ
UPI-ს ცნობით, ქალაქ კორალ-ბეის სანაპიროზე ტიმოტი ვან ბილენი ვიდეოზე ზვიგენს იღებდა. ზვიგენი კუს გაედევნა, მაგრამ ვერ დაიჭირა და შემდეგ ყურადღება მყვინთავზე გადაიტანა. ზვიგენი ადამიანისკენ გაცურდა, მაგრამ ბოლო მომენტში მკვეთრად შებრუნდა და სიღრმეში შეცურდა.“ზვიგენი თავს არ დამსხმია, ის უბრალოდ მაფრთხილებდა, რომ არ მივახლოებოდი მის საკვებს", - განმარტა ვან ბილენმა ფეისბუქზე, - "ეს მტკიცდება მისი ნელი ცურვით ზედაპირისკენ ისე, რომ არც უცდია ჩემთვის ეკბინა. მას რომ სდომოდა კბენა, ის ამას გააკეთბდა”. ვეფხისებრი ზვიგენი ადამიანისთვის ძალიან საშიშია. ის საშუალოდ 4.25 მეტრს აღწევს და დაახლოებით 635 კილოს იწონის.
ამერიკის ქალაქ ესტეს-პარკში (კოლორადოს შტატი) დათვი ორ ბელთან ერთად პიცერიაში შევიდა. "Fox 31 Denver"-ის ცნობით, ცხოველები რესტორანში ღამე შეიპარნენ, როდესაც იქ არავინ იყო. მათ ძეხვიანი ცომი იპოვეს და მიირთვეს. ჩანაწერი, რომელიც ვიდეოთსათვალთვალო კამერამ გადაიღო, ფეისბუქზე გამოქვეყნდა.პიცერიის თანამშრომლებმა პოლიციას სთხოვეს, ცხოველებისთვის არაფერი დაეშავებინათ. ”ყველა სანაგვე ურნა ახლა დათვებისგან დაცულია და რაღა დარჩენიათ მათ? მხოლოდ ჩვენი სახლები, მანქანები და კომპანიები”, - წერენ დაწესებულების ფეისბუქ გვერდზე.
მკვლევრებმა ველური ხავერდოვანი კატის კნუტები ფოტო და ვიდეოკამერაზე პირველად აღბეჭდეს. ეს საოცრებები აფრიკაში ცხოვრობენ. გამოცემა "Metro"-ს ცნობით, ბიოლოგებმა, რომლებიც არაკომერციულ ორგანიზაცია "Panthera"-ში მუშაობენ (იცავენ ველური კატების უფლებებს), საჰარას უდაბნოში, მაროკოს ტერიტორიაზე კნუტები აღმოაჩინეს. ისინი თვლიან, რომ ნაპოვნი კნუტები 6-8 თვისანი არიან.ბარხანების კატები აფრიკაში, არაბეთის ნახევარკუნძულზე, ახლო აღმოსავლეთსა და შუა აზიაში ცხოვრობენ.უდაბნოს კატები ჩვეულებრივ კატებზე პატარა ტანისები არიან. მათი სიმაღლე 24-30 სანტიმეტრი, ხოლო წონა 3.5 კილოგრამია. 2016 წელს გავრცელდა ინფორმაცია, რომ მეცნიერებმა პირველად შეძლეს არაბეთის ბარხანების კატებს სისტემატურად დაკვირვებოდნენ.
იაპონელი მყვინთავი დაუმეგობრდა თევზს, რომელიც მან გადაარჩინა. მამაკაცი ზღვის არსებას 25 წლის განმავლობაში თითქმის ყოველდღე ხვდება. იაპონელის თქმით, თევზი ცნობს მის სახეს და მეტიც, ის მოფერებისა და კოცნის ნებასაც რთავს.მყვინთავი ჰირუჰოკი არაკავა, იაპონიის ქალაქ ტატეუამაში, წყალქვეშა პარკში მუშაობს. ის 79 წლისაა. ასაკის მიუხედავად, თითქმის ყოველდღე ჩადის წყლის ქვეშ, რათა გარკვეული დრო მეგობართან ერთად გაატაროს.არაკავას თქმით, მისი და თევზის მეგობრობა 25 წლის წინ დაიწყო და მას შემდეგ ისინი იმდენად დაუახლოვდნენ ერთმანეთს, რომ თევზი მას კოცნისა და მოფერების ნებას რთავს.არაკავამ თევზი სწორედ 25 წლის წინ გადაარჩინა, იმ დროს, როცა ზღვის ბინადარი წყალქვეშა პარკის სიახლოვეს დასუსტებული მივიდა და დამოუკიდებლად საკვების მოპოვება არ შეეძლო. მამაკაცი მას 10 დღის განმავლობაში კიბორჩხალებით კვებავდა. ამ პერიოდში იაპონელი მყვინთავი ისე შეეჩვია თევზს, რომ მას ყოველდღე სტუმრობს.სპეციალისტები ირწმუნებიან, რომ ზოგიერთი სახეობის თევზს ადამიანის სახის ამოცნობა შეუძლია, თუმცა, ეს მეცნიერულად ჯერ არ დამტკიცებულა. მყვინთავი კი ირწმუნება, რომ მის მიერ გადარჩენილ წყლის არსებას ნამდვილად შეუძლია სახეების ამოცნობა. წინააღმდეგ შემთხვევაში, როგორ აიხსნება ის, რომ თევზი მამაკაცს მიახლოების ნებას რთავს?
როდესაც საქმე მანქანების რბოლას ეხება, გამარჯვებისთვის ყოველი წამი მნიშვნელოვანია, თუმცა, ამ ვიდეოს გმირმა უპატრონო ძაღლის გადასარჩენად, პრაქტიკულად პირველობაზე უარი თქვა.კარლოს მატოსი მონაწილეობდა "Constalica Rallye Vouzela"-ს შეჯიბრში, რომელიც პორტუგალიაში გაიმართა. იგი რბოლაში სამგზის ჩემპიონია, თუმცა, ამჯერად მან გამარჯვებაზე უარი თქვა, რათა ძაღლისთვის ზიანი არ მიეყენებინა.რბოლის მეორე (უკანასკნელ) ეტაპზე მატოსმა და მისმა შტურმანმა კუთხეში გადაუხვიეს და უეცრად გზაზე მოხეტიალე ძაღლი შეამჩნიეს. მიუხედავად იმისა, რომ მანქანა 145 კმ/სთ. მიდიოდა, მრბოლელმა მკვეთრად დაამუხრუჭა და საჭე ბოლომდე მომართა, რათა უკან მობრუნებულიყო.ძაღლი ავტომობილის ხმამ შეაშინა და გზიდან გაიქცა. ინციდენტის შემდეგ მატოსმა რბოლა განაგრძო, თუმცა, დახარჯულმა წამებმა პირველი ადგილი დააკარგვინა.მრბოლელი ირწმუნება, რომ მას სხვა გზა არ ჰქონდა."ძაღლი საშუალო ზომის იყო, თავისუფლად შემეძლო გადამევლო, მაგრამ სინდისი ამის გაკეთების უფლებას არ მომცემდა. ხუთი ძაღლი მყავს და ისინი ძალიან მიყვარს,"- ამბობს კარლოს მატოსი.
ვიდეო სოციალურ ქსელში მისმა მეგობარმა განათავსა, რასაც არაერთი ნეგატიური კომენტარი მოყვა.გაუგებარია, თუ რატომ გააღიზიანა ბიჭი თავისთვის მოსეირნე ძაღლმა, თუმცა, ეს პატარა ამბავი ყველასთვის მოულოდნელად დასრულდა.ახალგაზრდას თავისი ჩანაფიქრი ბუმერანგივით დაუბრუნდა და გაქცევა თავად მოუხდა, რადგან მეგობრის დასაცავად ძაღლების მთელი ხროვა მისი მიმართულებით გაიქცა. იგი დევნის ობიექტი თავად გახდა.ბიჭმა ზღვაში შესვლა მოასწრო და, საბედნიეროდ, ათამდე ძაღლს უვნებელი გადაურჩა.
ვიეტნამში ნალექი იშვიათობას არ წარმოადგენს. რამდენიმე ხნის წინ, ერთ-ერთ პროვინციაში ძლიერი წვიმა მოვიდა."წყალმა დაფარა დედა ძაღლის ბუნაგი, სადაც ის თავის შვილებთან ერთად ცხოვრობდა. ლუმ (ძაღლის სახელი) გამოსვლა შეძლო, თუმცა, ოთხმა პატარა ლეკვმა თავის დაღწევა ვერ მოასწრო. დედა ძაღლი მათ არ ტოვებდა და გაცოფებული თხრიდა წყლით დაფარულ მიწას, რომ პატარები სამშვიდობოს გამოეყვანა", - წერს გამოცემა "Daily Mail"-ი.საბედნიეროდ, ცხოველს დაეხმარნენ ადამიანები, რომლებიც დაგუბებულ წყალს ჭურჭლით იღებდნენ, რათა ლუსთვის სამუშაო შეემსუბუქებინათ.შესაძლებლობისთანავე, ძაღლი წყლით დაფარულ ბუნაგში შეძვრა. რამდენიმე წამის შემდეგ მან გამოიყვანა ცოცხალმკვდარი ლეკვი, რომელსაც ადამიანებმა გულის მასაჟი ჩაუტარეს და გამოაცოცხლეს. საბედნიეროდ, ოთხივე ლეკვი გადარჩა და ყოველივე დედა ძაღლის დამსახურებაა, რომელმაც წარმოუდგენელი გმირობა გამოიჩინა თავისი პატარების გადასარჩენად.
მსოფლიოში ცხოველების მასობრივი დაღუპვის ფაქტები გახშირდა. თუმცა ამის გავლენა გარემოზე ბოლომდე არ არის შესწავლილი. ამერიკელმა მეცნიერებმა მოვლენების მოდელირება საველე პირობებში მოახდინეს.დახოცილი ცხოველები - ეკოლოგიური ჯაჭვის მნიშვნელოვანი რგოლია. მისი ცხედარი ლეშის მჭამელების ყურადღებას იპყრობს. მათში ჩნდება ჭიები, რომლებითაც იკვებებიან ფრინველები და ბოლოს, ლეშის ნარჩენები ხვდებიან მიწაში და ანოყიერებს მას, რაც სასარგებლოა მცენარეთა სამყაროსთვის.. მაგრამ იმ შემთხვევაში, როდესაც პატარა ტერიტორიაზე ერთდროულად მრავალი ცხოველი იღუპება, ეკოსისტემა უჩვეულო დატვირთვას განიცდის.მისისიპის უნივერსიტეტის მეცნიერები და მათმა კოლეგები ასეთი კატასტროფული მოვლენების შესწავლას შეუდგნენ. მასშტაბური ექსპერიმენტისთვის მათ სჭირდებოდათ მხოლოდ 2 ამოცანა: ეპოვათ დიდი რაოდენობით მკვდარი ცხოველი. ასევე ხელსაყრელი ადგილი.შტატის ხელმძღვანელობის მხარდაჭერით ბიოლოგებმა დაიწყეს ტახების ცხედრების შეგროვება. ეს ცხოველები დიდ ზიანს აყენებენ მისისიპის ტყეებს და სოფლის მეურნეობის ობიექტებს, ამიტომ მათი დახოცვა ნებადართულია.რამდენიმე თვის შემდეგ მეცნიერებმა შეძლეს საკმაო რაოდენობის მასალის შეგროვება: დახოცილი ტახების საერთო წონამ 3 ტონა შეადგინა. ადგილი ექსპერიმენტისთვის მათ უნივერსიტეტმა გამოუყოთ. ეს იყო ტყის ტერიტორია. მეცნიერებმა მოცემულ ადგილზე მაცივრებიდან გამოტანილი ცხოველების ცხედრები დაალაგეს და შემდგომი პროცესზე დაკვირვება და დაფიქსირება დაიწყეს.ლეშის მჭამელთა ქცევა მეცნიერებს ყველაზე ნაკლებად აინტერესებდათ, ამიტომ ადგილი ნაწილობრივ ბადით იყო შემოსაზღვრული: დაახლოებით 20 ფრინველი, რომლებიც მუდმივად ”მორიგეობდნენ” ხეებზე, მილიონობით ბუზის გავრცელებას აჩერებდნენ, მაგრამ აქტიურად ხორცით ისინი არ იკვებებოდნენ. ეს აძლევდა მათ გარემოზე მასობრივი ხრწნის უშუალო გავლენის შესწავლის საშუალებას. ეფექტმა ყველა მოლოდინს გადააჭარბა: მასშტაბმა ისინიც გააოცა, ვინც ყველაზე თამამ პროგნოზს წინასწარმეტყველებდა.ლარვების რაოდენობა იმდენად ბევრი აღმოჩნდა, რომ ტყის ნაწილი ”ჭიების მდინარედ” იქცა. სულ მალე ცხედრებს შორის გადაადგილება იმისთვის, რომ სპეციალური მოწყობილებიდან ჩვენებები აეღოთ, შეუძლებელი გახდა.
ემთხვევა Southwest Airlines-ის თვითმფრინავის ბორტზე მოხდა. ის ბალტიმორიდან (აშშ) ლოს-ანჯელესში მიფრინავდა. ქალმა ძლიერი ალერგიის გამო, ეკიპაჟის თანამშრომლებს ძაღლების თვითმფრინავიდან გაყვანა სთხოვა, თუმცა, მან ალერგიის დამადასტურებელი ცნობა ვერ წარმოადგინა.ავიაკომპანიის პოლიტიკის თანახმად, მას თვითმფრინავის დატოვება სთხოვეს. მგზავრმა წინააღმდეგობა გაუწია, რის შემდეგაც ინციდენტში პოლიცია ჩაერთო.მგზავრებს შორის ორი ძაღლი იყო. ერთ-ერთი მათგანი - კომპანიონი, რომელიც პატრონს ემოციური მდგომარეობის დროს ამშვიდებდა, ხოლო მეორე - უბრალოდ შინაური ცხოველი."ჩვენი წესების თანახმად, სამედიცინო ცნობის არ ქონის შემთხვევაში, უფლება გვაქვს მგზავრის მოთხოვნა არ დავაკმაყოფილოთ", - განაცხადა კომპანიის წარმომადგენელმა.ქალმა პოლიციელებს წინააღმდეგობა გაუწია. ის თვითმფრინავში დარჩენის უფლებას ითხოვდა. მისი თქმით, სამართალდამცველებმა სალონიდან გაყვანის დროს შარვალიც კი შემოახიეს. ინციდენტის ამსახველი ვიდეო კადრები ერთ-ერთმა მგზავრმა გადაიღო და სოციალურ ქსელში განათავსა. "სამმა პოლიციელმა უხეშად დაარღვია კანონი და ქალი თვითმფრინავიდან ძალის გამოყენებით ჩაიყვანა", - წერს ვიდეოს ავტორი.მგზავრებს შორის აღმოჩნდნენ ისეთებიც, რომლებიც ქალს უყვიროდნენ დაუყოვნებლივ დაეტოვებინა თვითმფრინავი.
მექსიკაში ძლიერი მიწისძვრის შედეგად 300 მცხოვრები დაიღუპა. უამრავი ადამიანის ევაკუაცია მოახდინეს და ამ ქაოსში მაშველმა პოლიციელებმა გამონახეს დრო, რომ მაგალითი მოეცათ დანარჩენებისთვის და ეჩვენებინათ, რომ არა მხოლოდ ადამიანია გადარჩენის ღირსი. მექსიკის პოლიციელებს სჯერათ, რომ ოთხფეხა მეგობრების სიცოცხლე ასევე ძვირფასია.ძლიერი მიწისძვრიდან ორი დღის შემდეგ მექსიკის ფედერალური პოლიციის თანამშრომლებმა განსაკუთრებით დაზიანებულ ქუჩაზე დაჭრილი უსახლკარო ლეკვი იპოვეს. ძაღლი შიშისგან იყო პარალიზებული. ის ჩრდილში მიყუჟულიყო და პრაქტიკულად არ რეაგირებდა გარშემო მოვლენებზე.როგორც ჩანდა მას უკვე დაკარგული ქონდა გადარჩენის ყველა იმედი. ის ოფიცერმა გილმა იპოვა. მას სხეულის სუსტი დაზიანება ქონდა. მაგრამ ძალიან იყო შეშინებული. ის არ ჭამდა და არ სვამდა. როგორც ჩანს ამ პერიოდში მას უბრალოდ შიშისგან განძრევაც კი არ შეეძლო”, - ყვება გილი.შეიძლება ბევრმა ჩაუარა ლეკვს, მაგრამ გილი და მისმა თანამშრომლებმა ვერ დატოვეს ეს შეშინებული არსება. მათ ფრთხილად აიყვანეს ძაღლი და ვეტკლინიკაში გაემართნენ.ექიმმა ლეკვი გასინჯა. პაციენტს შიდა და გარეგანი დაზიანებები უპოვეს, რომელიც ჩანს, შენობის ნგრევისას მიიღ. საბედნიეროდ არც ერთი მათგანი სიცოცხლისთვის საშიში არ აღმოჩნდა. ის ნელნელა გამოვიდა მდგომარეობიდან და სულ მალე ყველამ გაიგო რა არაჩვეულებრივად კარგი ხასიათი ქონია გადარჩენილ ძაღლს. აღმოჩნა, რომ მას შეუძლია იყოს ძალიან ბედნიერი და კმაყოფილი… და რა თმა უნდა მას უზომოდ მოსწონს, როდესაც მუცელზე ფხანენ!ძაღლი მალე გამოჯანმრთლდა. პოვნიდან რამდენიმე საათში დალია კიდეც და შეჭამა. მომდევნო დღეს კი ის ოფიცრებმა მოინახულეს. მათ ძაღლს რბილი ბალიში მოუტანეს. მაგრამ ყველაზე მთავარი საჩუქარი ძაღლს წინ ელოდა.გილის ცნობით, ერთ-ერთმა თნაამშრომელმა გადაწყვიტა, რომ გადარჩენილ ძაღლს ოჯახში აიყვანდა. ოფიცერი ორი შეხედულებით ხელმძღვანელობდა: პირველ რიგში, ბინადარი თავის მეურვეებთან დარჩებოდა და მეორეც, გადარჩენილი ძაღლები ხშირად თავად ხდებიან შესანიშნავი მაშველები. ”მექსიკის პოლიციისთვის ძალიან მნიშვნელოვანია სიცოცხლის დაცვა ყველა მის ფორმაში, - ამბობს გილი. - ჩვენ იმედი გვაქვს, რომ ავამაღლებთ მოქალაქეების
უსინათლო კატა ნამიკის ვიდეომ, სადაც კატა სმარტფონში მუსიკას უსმენს, მსოფლიო მოხიბლა. ოთხფეხა ფუმფულა არსება თითქოს გატაცებულია მუსიკით.ყველაფერი მას მერე დაიწყო, რაც ერთ-ერთმა საკმაოდ ცნობილმა მუსიკოსმა სტამბულიდან, რომელმაც იმით გაითქვა სახელი, რომ თავისი ბინადრებისთვის ასრულებს ნაწარმოებებს, საკუთარ ინსტაგრამზე გამოაქვეყნა მისთვის გაგზავნილი ვიდეო. ამ ვიდეოში კატა დიდი ინტერესით უსმენს სარპერ დუმანის შესრულებას.“ეს ყველაზე მგრძნობიარე შეტყობინებაა, რომელიც ოდესმე მიმიღია. ამ ლამაზ უსინათლო კატას ნამიკი ქვია და ამბობენ, რომ ის ასე იქცევა ყოველთვის, როგორც კი ჩემს ვიდეოს რთავს. ეს ძალიან შთამბეჭდავია. ბედნიერი იყავი მუდამ, ნამიკ”, - წერს კატების მუსიკოსი თავის ინსტაგრამზე.უამრავმა ინტერნეტ მომხმარებელმა აღნიშნა, რომ ამ ვიდეოკადრების ნახვის დროს ტიროდნენ. ადამიანებზე ისიც მოქმედებს, რომ ვინაიდან ნამიკი მუსიკოსს ვერ ხედავს, როგორც ჩანს, მას გულწრფელად შეუყვარდა მისი მუსიკა.”არ იტიროთ. ვფიქრობ, რომ კატა ვერც ხვდება, რომ ის უსინათლოა, ან მას რამე პრობლემა აქვს. როგორც ჩანს, მას ძალიან კარგად უვლიან. ეს ბედნიერი კატაა”, - დაწერა სოციალური ქსელის ერთ-ერთმა მომხმარებელმა ვიდეოს კომენტარად.
ალიგატორი, რომელიც 113 კილოგრამს იწონიდა და სიგრძით თითქმის 3 მეტრს აღწევდა დასახლებულ ტერიტორიაზე შევიდა და თავს დაესხა მამაკაცს, რომელიც არხიდან მის ამოყვანას ცდილობდა.ამერიკელი მამაკაცის მცდელობა ტრავმებით დასრულდა."მამაკაცი, როგორც ექსპერტი ისე გაგვეცნო და თქვა, რომ ადრე ზოოპარკში მუშაობდა", - ამბობს ფაქტის თვითმხილველი.მან ალიგატორის არხიდან ამოყვანა სცადა ისე, რომ ზიანი არ მიეყენებინა, მაგრამ მცდელობა ტრავმებით დაასრულა. ის სასწრაფოდ კლინიკაში გადაიყვანეს.
არ გააჩეროთ მანქანა ბოსლებთან! გერმანიაში ვირი ფიტუსის ყურადღება მიიქცია მკვეთრმა ნარინჯისფერმა სპორტულმა მაქანამ McLaren-მა, რომელიც ვირების ჯოგთან სულ ახლოს იდგა. როგორც ჩანს, ცხოველს ის საბურავებზე შემდგარი დიდი სტაფილო ეგონა, ადგა და დახრა ეს ძვირფასი ავტომობილი, რის გამოც მისი პატრონი სასამართლოში აღმოჩნდა.ახლა ვირის პატრონს მანქანის მფლობელისთვის, ბიზნესმენ მარკუს ცანისთვის 5 000 ევროს გადახდა მოუწევს. მას მერე, რაც ზარალის ანაზღაურებაზე უარი მიიღო, მძღოლმა ქალაქ გისენის სასამართლოს მიმართა.მანქანის რემონტი 30 000 დოლარზე მეტი დაჯდა. ამ თანხის დიდი ნაწილი დაზღვევამ დაფარა. ბიზნესმენმა აღიარა, რომ ვირზე სულაც არ გაბრაზებულა.
ბარსელონას საფეხბურთო კლუბის ინსტაგრამის ოფიციალურ გვერდზე მათი ყველაზე საყვარელი გულშემატკივრის ვიდეო გამოჩნდა. იგი მოპსის ჯიშის ძაღლი, სახელად დაგია.მას ძალიან უყვარს სხვადასხვა ქვეყანაში მოგზაურობა. იგი ცნობილი საფეხბურთო გუნდის დიდი გულშემატკივარია.უსაყვარლეს ძაღლს ინსტაგრამზე აქვს საკუთარი გვერდი, რომელსაც 2 მილიონზე მეტი ადამიანი თვალს ადევნებს.
კანადის მცხოვრებმა ჯორჯ კოუტმა ინტერნეტ სივრცეში გაავრცელა ვიდეო, სადაც მის ეზოში მისულ დედა დათვსა და ბელებს ტერიტორიის დატოვებას ზრდილობიანად სთხოვს.მამაკაცმა ძაღლი სახლში შეიყვანა, თავად კართან გაჩერდა და მტაცებლებს ეზოდან გასვლა მშვიდად სთხოვა."თქვენი წასვლის დროა. იმედია, აქ ყოფნა მოგეწონათ, მაგრამ სამსახურში ვარ წასასვლელი. სასიამოვნო დღეს გისურვებთ", - მშვიდი ხმით ესაუბრებოდა ჯორჯი დათვების ოჯახს.
"მექსიკის მცხოვრებლები მადლიერნი არიან ლაბრადორ რეტრივერის ფრიდას გმირობით, რომელმაც მიწისძვრის შედეგად დანგრეული შენობებიდან არაერთი ადამიანი გამოიყვანა", - წერს გამოცემა Metro.ადგილობრივ ტელევიზიას არაერთხელ მოუმზადებია სიუჟეტი მაშველ ძაღლზე, რომელმაც შენობის ნანგრევებიდან ადამიანი ამოიყვანა. ბოლო კვირის განმავლობაში ფრიდამ შეძლო მექსიკის იმ ქალაქებში ჩასვლა, რომელიც მიწისძვრამ გაანადგურა.ოაჰაკაში (შტატი მექსიკაში) ფრიდამ რამდენიმე ათეული ადამიანი გადაარჩინა. 12 მათგანი დღემდე მძიმე მდგომარეობაში იმყოფება. ძაღლის მწვრთნელის თქმით, ის ენერგიით სავსეა და იმ დრომდე დადგება საკუთარი თანამოქალაქეების გვერდით, სანამ ამის საჭიროება იქნება.მექსიკაში მომხდარი საშინელი მიწისძვრის შედეგად, დღევანდელი არაოფიციალური მონაცემებით დაღუპულია 230 ადამიანი. ქვეყნის მთავრობამ სამ დღიანი გლოვა გამოაცხადა. სამძებრო- სამაშველო სამუშაოები 24 საათის განმავლობაში მიმდინარეობს.
ზღარბები პატარები და რუხი ფერისანი არიან, რაც ნიშნავს, რომ ისინი შეიძლება ადვილად მოხვდნენ საბურავებში. როგორც ცნობილია, ცხოველები ყოველთვის მზად არიან, დაეხმარნონ თავიანთ მეგობრებს.ჩვენს ზღარბს გამოუჩნდნენ შესანიშნავი გამცილებლები - სამი ამაყი ტამბოვის ბატი. ისინი, როგორც მეურვეები, ზღარბს ქუჩაზე გადასვლაში დაეხმარნენ. ცენტრში მყოფმა ბატმა ფრთები გაშალა - შეიძლება მას პატარა ზღარბის ფრთებში დამალვა სურდა.
ფოტოზე აღბეჭდილი ძაღლი თავიდან ყველას გაბრაზებული გონია, მაგრამ ეს ასე არაა.სინამდვილეში ძაღლი რეი იღიმის. დიახ, მას ასეთი უცნაური ღიმილი აქვს.რეი წლების მანძილზე ცხოველთა თავშესაფარში ცხოვრობდა. მისი აყვანა არავის სურდა.თუმცა, თავშესაფარში მივიდა ახალგაზრდა მამაკაცი, რომელსაც ძაღლი და მისი უჩვეულო ღიმილი დანახვისთანავე შეუყვარდა.მამაკაცმა ცხოველი სახლში წაიყვანა და მას შემდეგ ისინი განუყრელი მეგობრები არიან.რეის ძალიან უყვარს პატრონი, ამიტომ სახიდან ღიმილი არ შორდება, ხოლო ძაღლის თვალებში დიდი ბედნიერება ჩანს...პატრონს არასოდეს უნანია, რომ ასეთი საოცარად კეთილი ძაღლი თავშესაფრიდან წამოიყვანა.სასიამოვნოა, რომ ამ ორმა ერთმანეთი იპოვა.
ვიდეოს ავტორი ოთხი ძაღლის პატრონია. კურცჰაარის ჯიშის ძაღლები მოსიყვარულე პატრონთან თავს ბედნიერად გრძნობენ, რადგან მამაკაცი მათ გემრიელი სასუსნავებით და ხანგრძლივი მოგზაურობებით ანებივრებს.ერთ დღეს მამაკაცმა გადაწყვიტა ვიდეო კამერაზე ჩაეწერა ძაღლების რეაქცია იმ მომენტში, როდესაც პარკს მანქანით უახლოვდებიან. თავიდან ცხოველები მანქანაში მშვიდად ისხდნენ, მაგრამ როდესაც მიხვდნენ, რომ სასეირნოდ საყვარელ პარკში მიდიოდნენ, სიხარულს ვერ მალავდნენ და წარმოუდგენელი სცენა მოაწყვეს, თუმცა აქ სიტყვები ზედმეტია, იხილეთ სახალისო ვიდეო.
19 სექტემბერს მექსიკაში 7,1 მაგნიტუდის მიწისძვრა მოხდა. ძლიერი მიწისქვეშა ბიძგების შედეგად, არაოფიციალური მონაცემებით, დაინგრა 45-მდე შენობა და დაიღუპა 200-ზე მეტი ადამიანი.მაშველები და მოხალისეები ნანგრევების ტერიტორიაზე დღე და ღამე მუშაობენ, რათა დანგრეულ შენობებში მოყოლილი ადამიანები გადაარჩინონ. ვიდეო კადრებში მოხვდა იმ ძაღლის გადარჩენაც, რომელიც სამაშველო სამუშაოების დროს ნანგრევებიდან ამოიყვანეს.კადრებში კარგად ჩანს, თუ როგორ ფრთხილად ამოჰყავთ ცხოველი. ამ ფაქტს თვითმხილველები დიდი სიხარულით, ემოციითა და ტაშით შეხვდნენ.
სოციალური ქსელის მომხმარებელთა განსჯის საგანი არა მარტო პატარა იორკშირული ტერიერის საზრიანი საქციელი გახდა, არამედ პატრონის ხმამაღალი სიცილიც.შინაური ცხოველების მფლობელმა YouTube-ზე განათავსა სახალისო ვიდეო, სადაც ჭკვიანი იორკშირული ტერიერი ხტება ლაბრადორის ზურგზე და აუზის გადაკვეთას ცდილობს. პატარა ძაღლმა პრაქტიკულად ყოველგვარი ძალისხმევის გარეშე გადალახა მისთვის საშიში ზონა.ვიდეოს ორი დღის განმავლობაში ათობით ათასი ნახვა ჰქონდა. სოციალურ ქსელში ძაღლის საქციელთან ერთად განიხილავენ გოგონას რეაქციას, რომელიც უცნაურად იცინის.
კენიიდან ჩრდილო-დასავლეთით, ნაკრძალში რეინჯერებმა ვიდეოზე პირველად გადაიღეს თეთრი ჟირაფები. "National Geografic"-ის ცნობით, ვიდეოკამერაზე აღბეჭდილი დედა-შვილი ჟირაფი ალბინოსები არ არიან. სინამდვილეში ისინი ლეიკიზმით არიან დაავადებულნი. ეს არის გენეტიკური დაავადება, რომელიც არ აძლევს კანს პიგმენტების გამომუშავების საშუალებას, მაგრამ სხვა ორგანოები, მაგალითად თვალები, მუქი რჩებათ. ალბინიზმის დროს პიგმენტის გამომუშავება მთელ სხეულს არ შეუძლია, ამიტომ თვალები ალბინოს ცხოველებს ხშირად ვარდისფერი აქვთ."National Geografic"-ში აღნიშნავენ, რომ ლეიკიზმი ცხოველებში ძალიან იშვიათია, მაგრამ უნიკალური არ არის. ლეიკიზმით დაავადებული ჟირაფები არ განიცდიან გენეტიკურ პრობლემებს, თუმცა, ასეთმა შეფერილობამ შეიძლება არასაჭირო ყურადღება მიიპყროს. ჟირაფების გადარჩენის ორგანიზაციის (Giraffe Conservation Foundation) ცნობით, ასეთი ცხოველების ნახევარზე მეტი ვერ აღწევს ნახევარ წელსაც კი, რადგან მტაცებლების, ლომებისა და გიენების ჩათვლით, მსხვერპლნი ხდებიან.
ფაუნის ბევრი წარმომადგენელი, რომლებიც მეზობლად ცხოვრობენ, ადამიანისთვის შეუმჩნეველი რჩება. თუმცა, გლობალურ დათბობას თავისი კორექტივები შეაქვს და სიტუაცია იცვლება.ვანკუვერში ქალაქის პარკი “სტენლი” (ინგლ. Stanley Park) ერთ-ერთი უდიდესია მსოფლიოში. ის იკავებს 404.9 ჰექტარს და 10%-ით დიდია ნიუ-იორკის ცენტრალურ პარკზე. მსხვილი ძუძუმწოვრები მის ტერიტორიაზე არ გვხვდება, მაგრამ აქ ცხოვრობს ბევრი ენოტი, კოიოტი, სკუნსი, კურდღელი, ციყვი და ფრინველის 200-ზე მეტი სახეობა. ცოტა ხნის წინ ბიოლოგებმა, რომლებიც სტენლი-პარკის ეკოსისტემას შეისწავლიდნენ, ამ პარკის წყალსაცავში უცნაური არსება აღმოაჩინეს. ჟელესებური მასა ადამიანის ტვინს ჰგავს.მეცნიერები ხსნიან, რომ ფაუნის თავად ეს წარმომადგენელი აღმოჩენას არ წარმოადგენს. საუბარია მშანკაზე, რომელიც პრიმიტიულ ცხოველებს მიეკუთვნება. მშანკები (ლათ. Ectoprocta, ან Bryozoa) - წყლის კოლონიალური ცხოველები. მათი კოლონია მიკროსკოპული ზოოდიებით არის ფორმირებული. კოლონიებს მრავალი ფორმა აქვთ. ერთნი ფარავენ ხელმისაწვდომ ზედაპირებს (ქვებს, ნიჟარებს, წყლის მცენარეებს), მეორენი დამოუკიდებლად ვითარდებიან და მიმდინარე პირობებში შედარებით მოსახერხებელ ფორმას იღებენ.ბიოლოგების თქმით, სტენლი-პარკში ამ დრომდე არასოდეს უპოვიათ ასეთი სახის მშანოკი. ერთ-ერთი ჰიპოთეზის თანახმად, მისი გამოჩენა ამ ტერიტორიაზე აიხსნება დათბობით, რომელიც ჩრდილოეთით ვრცელდება. სხვა ბიოლოგები არ გამორიცხავენ, რომ მშანკები აქ ყოველთვის ცხოვრობდნენ, მაგრამ ადრე ისინი შეუმჩნეველნი რჩებოდნენ. კოლონია იკვებებოდა წყალმცენარეეებით, ცხოვრობდა ღრმად ტბაში, თუმცა, თბილი ამინდის გამო, წყლის დონემ დაიწია. ცხოველებმა ვერ იპოვეს სხვა თავშესაფარი და ადამიანის მხედველობის არეში მოხვდა.
ახალი სამსახურის დაწყებისთანავე, ველოდებით გარკვეულ სირთულეებს, რადგან ეს ყოველთვის დაკავშირებულია ახალ კოლექტივთან, რომელსაც უნდა შევეჩვიოთ. თუმცა, ზოგჯერ მოულოდნელი და გაუთვალისწინებელი შემთხვევებიც ხდება.უნდა აღინიშნოს, რომ ვიდეოს გმირი ახალ სამუშაოს პირველ დღესვე საუკეთესოდ გაუმკლავდა, მაგრამ რა ფასად დაუჯდა ეს? გოგონამ მოირგო სამუშაო ფორმა, ფოთლების მოსაგროვებლად კალათითა და დიდი ცოცხით "შეიარაღდა". პანდების სამყოფელში კარი შეაღო და უეცრად მას თავს დაესხნენ. რთულია ამის სიტყვებით გადმოცემა, უკეთესია
ჩილეში, ქალაქ ანდაკოლიოში, სატელევიზიო ინტერვიუს დროს ძაღლმა ღვეზელი-ემპანადა მოიპარა. გამომცემლობა "Express & Star"-ის ცნობით, ჟურნალისტი ესაუბრებოდა ქალბატონს, რომელმაც ემპანადები გამოაცხო. ძაღლმა ისარგებლა იმით, რომ ადმაიანები საუბრით იყვნენ გართულნი და ერთი ღვეზელი მოიპარა.ვიდეომ ჩილეში ვირუსული პოპულარობა მოიპოვა. ადამიანები ხუმრობენ, რომ ჟურნალისტი ძაღლთან ერთად მუშაობდა და სპეციალურად მიიქცია ქალბატონის ყურადღება. ტვიტერში გავრცელდა პლაკატი, რომელიც მოუწოდებს, 19 ნოემბრის საპრეზიდენტო არჩევნებში ხმა მისცენ ძაღლს ემპანადასთან ერთად.
ბევრს ახსოვს ან მშობლებისგან გაუგია, თუ როგორ ჭირვეულობდა ბავშვობაში. არაერთხელ ყოფილა შემთხვევა, როდესაც პატარაობაში, მოთხოვნების მიზნით, ისტერიკას ვაწყობდით.ამ დროს მშობლებს დიდი ნებისყოფა მართებთ, რათა სირთულეებთან ერთად ბავშვის სწორი აღზრდა შეძლონ. ალბათ არავის დაგვავიწყდება ის, რაც მშობლებმა ჩვენი აღზრდისთვის გააკეთეს... სახალისო ვიდეო გადაიღო მამაკაცმა, რომელიც ნაცნობ სიტუაციას გაგვახსენებს. პატარა სპილოს რაღაც არ მოეწონა და დედას ისტერიკა მოუწყო. ცხოველი სასურველის მისაღებად მიწაზე სასაცილოდ გორავს.დააკვირდით დედა სპილოს, ეს ხომ ნამდვილი სრულყოფილებაა. ის მშვიდად და ყოველგვარი წინააღმდეგობის გარეშე იტანს პატარას ისტერიკას. მისი მოთმინება მართლაც რომ შესაშურია.
მსოფლიოში ბევრი “კატის კაფე” არსებობს: ადგილები, სადაც მომხმარებლებს შეუძლიათ კატებთან ურთიერთობა. ერთ-ერთი ასეთი კაფე ბრუკლინში, ცხოველების ნამდვილ თავშესაფრად იქცა, სადაც შინაური ვირთხები მშვიდად თანაცხოვრობენ კატებთან ერთად.ნიუ-იორკში Brooklyn Cat Cafe-ში 20 სხვადასხვა ასაკის კატა ცხოვრობს. მომხმარებელს შეუძლია არა მხოლოდ ითამაშონ მათთან, არამედ სამუდამოდ მათი სახლში წაყვანა.ერთ-ერთ ბინადარს, კნუტს სახელად ებონი, საშიში ინფექციური დაავადება - ლეიკოზი დაუდგინეს. ადამიანებზე ეს დაავადება არ ადადის, მაგრამ სხვა კატები რისკის ჯგუფში ხვდებიან: დაავადება სითხის გაცვლით გადადის, მაგალითად კბენის დროს.საჭირო გახდა კნუტის სხვა ბინადრებისგან იზოლირება, მაგრამ ამასთნ მეორე სერიოზული საკითხი დადგა: როგორ უნდა შეწყობოდა ებონის ხელი, რომ მოწყენილი არ ყოფილიყო. სპეციალისტებმა საკითხი თავისებურად გადაწყვიტეს: კნუტს კომპანიონობა თეთრმა ვირთხამ გაუწია. ამ სახეობის ცხოველსთვის კატის ლეიკოზი არ არის გადამდები. დიდი ვირთხა კნუტის ზომის იყო, კნუტს კი ჯერ კიდევ არ ქონდა განვითარებული მონადირის ინსტიქტი.ვირთხა და კნუტი საუკეთესო მეგობრები გახდნენ. სამწუხაროდ ებონი რამდენიმე თვეში მოკვდა, მაგრამ კაფეს პატრონები დარწმუნებულები არიან, რომ მან ბედნიერად იცხოვრა და არ იყო მარტო. ვირთხების სიცოცხლის საშუალო დრო 2 წელია, ამიტომ ვირთხაც მალე მოკვდა, მაგრამ მსგავსი მეგობრობის პრაქტიკა არ შეწყვეტილა. ახლა კაფეში 2 ვირთხა - რემი და ემილი ცხოვრობს, ისინიც კნუტებთან ერთად ცხოვრობენ და თამაშობენ.სპეციალისტები აღნიშნავენ, რომ ეს სიტუაცია მხოლოდ მანამდე არის შესაძლებელი, სანამ კნუტები გაიზრდებიან: რადგან მათში თანდათან იღვიძებს მონადირის ინსტიქტი. მაგრამ მანამდე ეს სხვადასხვა სახეობის ცხოველები შესანიშნავად ცხოვრობენ ერთად.
სამი თვის ლეკვი მუ პინგი ერთი თვის კაო ნიეს “მიუდომელი მწვერვალის” დაპყრობაში ეხმარება.პატარა ლეკვს ზედმეტად მოკლე თათები აქვს და ჯერ სულ მოუქნელია.უფროსი კი მიუხედავად იმისა, რომ თავად ლეკვია, უკვე კარგად ართმევს თავს ასეთ ამოცანებს. ამიტომ ის სიხარულით ეხმარება სულ ციცქნა ქალბატონს რთულ სიტუაციაში.ნახეთ როგორი ამაყია მაი პინგი თავისი ქცევით! ის შესანიშნავი უფროსი ძმა და კარგი მეგობარია!
ინდოეთის სატყეო უწყების თანამშრომლებმა ტყეში, მინდორზე 12 მკვდარი მაიმუნი აღმოაჩინეს.გამომცემლობა "Metro"-ს ინფორმაციით, იყო ეჭვი, რომ ცხოველები მოწამლეს, ამიტომ მათი ნაწილი ვეტერინარულ კლინიკაში წაიღეს.გაკვეთამ აჩვენა, რომ ყველა მაიმუნი გულის გაჩერებით მოკვდა. სპეციალისტების აზრით, ცხოველები შესაძლოა, ვეფხვმა დააშინა. ადგილობრივი მცხოვრებლების მტკიცებით, დაახლოებით იმ პერიოდში, როდესაც მაიმუნები დაიხოცნენ, ტყეში ღრენის ხმა ისმოდა.
სოციალურ ქსელში გავრცელდა მომღიმარი ძაღლის ვიდეო, რომელიც ალასკაზე ცხოვრობს."პატრონებმა შეამჩნიეს, რომ მათი ძაღლი ყოველთვის ბედნიერი გამოიყურება და მისი სახის გამომეტყველება ვიდეოზე აღბეჭდეს,"- წერს გამოცემა The Daily Mail -ი.რამდენიმე წამიან ვიდეო რგოლში, რომელიც შინაური ცხოველის მფლობელმა ინტერნეტ სივრცეში განათავსა, აღბეჭდილია, თუ როგორ აბრუნებს ძაღლი თავს და პატრონს უღიმის.ვიდეო სოციალურ ქსელში არაერთმა ადამიანმა გააზიარა.
ყოველ ჯერზე, როდესაც თავს სულელურად იგრძნობ და მოგეჩვენება, რომ შენს ქმედებას აზრი არ აქვს, ჩართე ეს ვიდეო და კიდევ ერთხელ უყურე. ამ ვიდეორგოლში ორი გმირია - უსუსური პატარა კნუტი, რომელიც ღრმა ორმოში ჩავარდა და დიდსულოვანი ადამიანი, რომელიც არც დაფიქრებულა, ისე ჩაერთო ამ პატარას გადარჩენაში. მაგრამ უკვე მეთორმეტე წამზე აღმოჩნდება, რომ პირველი შთაბეჭდილება ხშირად ძალიან მატყუარაა...
ვიდეოზე გადაიღეს საოცრად იღბლიანი კატა, რომელიც ძალიან დიდი მოძრაობის დროს მანქანების ბორბლებს გადაურჩა. ორი წამის შემდეგ კატა მეორე მანქანას კვლავ გადაურჩა.ამ მანქანაში ადამიანებმა დაინახეს ცხოველები და მანქანა მაშინვე გზის პირას გააჩერეს. მათ ეგონათ, რომ კატას მანქანით დაეჯახნენ. მაგრამ კატა ცოცხალი და უვნებელი აღმოჩნდა. მათ აიყვანეს კატა და მიიყვანეს ვეტერინართან, რომელმაც იღბლიან კატას მხოლოდ რამდენიმე ნაკაწრი უპოვა.ვიდეორგოლის დასაწყისში ჩანს, რომ კატა სადღაც, ავტომობილის უკან იმალებოდა და მგზავრობის დროს გადმოვარდა.იღბლიანი კატის ბედის მომავალი უცნობია. შეიძლება ადამიანებმა, რომლებმაც ის ვეტერინართან მიიყვანეს, სახლშიც წაიყვანეს.
ემილი მიულერის ვიდეო, სადაც ის ფუტკრების გარემოცვაშია, ინტერნეტ სივრცეში ვირუსულად გავრცელდა.მიულერი და მისი ქმარი მეფუტკრეები არიან, ასევე აქვთ თაფლის მაღაზიაც. მათ ჰყავთ სამი შვილი. წყვილის მეოთხე ბავშვის გაჩენაც სურდა, მაგრამ ამის მცირე შანსი არსებობდა.საბედნიეროდ მიულერი დაფეხმძიმდა და სასიხარულო მოვლენა უჩვეულო ფოტო/ვიდეო გადაღებით აღნიშნა.კერძოდ, ქალმა გაავრცელა კადრები, სადაც 20,000 ფუტკარი მის მუცელს ფარავს. მიულერის თქმით, მან ფუტკრების გუნდთან ვიდეო მას შემდეგ გადაიღო, რაც მწერებმა საკვები მიიღეს. ქალს დედა (დედოფალი) ფუტკრის სამყოფელი ხელში ეჭირა, რათა სხვა ფუტკრები მის სიახლოვეს ყოფილიყვნენ.ფოტო და ვიდეო კადრებმა სოციალურ ქსელში სხვადასხვაგვარი რეაქცია გამოიწვია. მათ შორის იყო ბევრი უარყოფითი კომენტარიც."თავიდან ცოტა ვნერვიულობდი, მაგრამ ყველაფერი ისე გამოვიდა, როგორც მე და ჩემს მეუღლეს გვქონდა ჩაფიქრებული,"- ამბობს მიულერი.იხილეთ ვიდეო, სადაც ქმარი ორსული ქალის მუცელზე ათასობით ფუტკარს უშვებს.
თბილი სახლისა და მოსიყვარულე პატრონის ძიებაში უპატრონო კნუტი თურქული ტელევიზიის სტუდიაში შეიპარა და აღმოჩნდა წამყვანის მაგიდაზე, რომლსაც დილის გადაცემა პირდაპირ ეთერში მიჰყავდა.წამყვანი კუდრეტ სელებიღლუ არ დაიბნა და გადაცემა მაგიდაზე მოსეირნე კნუტთან ერთად განაგრძო.პატარა ცხოველი რამდენიმე წუთის შემდეგ იმდენად მოუშინაურდა სიტუაციას, რომ კლავიატურაზე მოკალათდა.სელებიღლუმ მაყურებელს შემდეგი ტექსტით მიმართა: "როგორც იცით, ზამთარი ახლოვდება. ყინვის დროს შინაურ ცხოველებს ქუჩაში ცხოვრება უჭირთ. ეს ჩვენი სტუდიის დაუპატიჟებელი სტუმარია, რომელსაც უნდა მოვეფეროთ, მივცეთ წყალი და საკვები. ყველამ უნდა ვიზრუნოთ დაუცველ ცხოველებზე."კნუტი საკვების მიღების შემდეგ მოკალათდა და დაიძინა. ტელევიზიის ერთ-ერთ თანამშრომელს ცხოველი იმდენად მოეწონა, რომ მისი სახლში წაყვანა გადაწყვიტა. მას "ჰუსნუ" დაარქვა, რაც "სიმპათიურ მამაკაცს" ნიშნავს.