მამა პეტრე ევროკავშირის მიერ პროექტის დაფინანსებაზე, კოოპერატივის გახსნაზე, მეფუტკრეობის საქმიანობის დაწყებასა და ახალ შესაძლებლობებზე საუბრობს.
„ბავშვობიდან მეფუტკრეობაზე ვოცნებობდი. მცირე მეურნეობაც შევქმენი მაგრამ, საქმე კუს ნაბიჯებით მიდიოდა. შემდეგ გაჩნდა შანსი და გამოვიყენეთ. ეს შანსი ევროკავშირმა მოგვცა. პარტნიორებთან ერთად შევქმენით კოოპერატივი და მივიღეთ ევროკავშირის გრანტი. არა მარტო ტექნიკური აღჭურვილობა და სკები მოგვცეს, ბევრი რამ გვასწავლეს. საზღვარგარეთაც წაგვიყვანეს და იქაური მეფუტკრეების საქმიანობა გაგვაცნეს. ORA ETA LABORA, ასე ეწოდება ჩვენს კოოპერატივს და ქართულად ლოცვა და შრომას ნიშნავს, ჩვენი ცხოვრების დევიზიც ასეთია. საქმე ძალიან კარგად მიგვდის, მაგრამ გვინდა მეტად განვითარდეთ და ევროკავშირი ისევ გვერდით გვიდგას: უკვე მეორედ დააფინანსეს ჩვენი იდეა. რამდენიმე კოოპერატივი გავერთიანდით. ერთიანი ნამდვილი ქართული პროდუქტი შევქმენით, რომელსაც აუცილებლად გავიტანთ ევროკავშირის ბაზარზე. ევროკავშირი ოცნების ახდენაში გეხმარება და შესაბამისად, შვილების ოცნების ახდენაშიც, რაც პატარა საქმე არ არის, როცა ცხრა შვილი გყავს და იმ საქმის კეთებაში, რომელიც დაგიფასდება.“- აცხადებს მამა პეტრე.
ვიდეო-რგოლი ევროკავშირის მიერ სწავლის დაფინანსების შესახებ გადაღებულია ევროკავშირი-საქართველოს საინფორმაციო კამპანიის ფარგლებში. კამპანია ევროკავშირის პროექტის „ასოცირების ხელშეკრულების განხორციელების მხარდაჭერა" ფარგლებში ხორციელდება, რომლის მიზანია საქართველოს მოსახლეობისათვის ევროკავშირისა და საქართველოს პოლიტიკურ და ეკონომიკურ ურთიერთობებზე მარტივ ენაზე ინფორმაციის მიწოდებას, ასევე, ცნობიერების ამაღლებას, თუ რა კონკრეტული სარგებელი შეიძლება მოუტანოს საქართველოს ასოცირების ხელშეკრულების, ღრმა და ყოვლისმომცველი თავისუფალი ვაჭრობისა და ვიზა–ლიბერალიზაციის სამოქმედო გეგმის განხორციელებამ. კამპანიისას განსაკუთრებული აქცენტი ევროპულ ფასეულობებზე კეთდება.