მსოფლიო ბანკმა ქართული ეკონომიკის რისკები დაასახელა.
ამ ანგარიშით, საქართველო კვლავ რჩება დაუცველი მიმდინარე ანგარიშის მაღალი დეფიციტისა და დაბალი ექსპორტისა და ფულადი გზავნილების რისკის გამო.
მსოფლიო ბანკის დასკვნის მიხედვითვე, გეოპოლიტიკურმა გაურკვევლობამ და ევროკავშირში ეკონომიკის მოსალოდნელზე ნელა გამოჯანსაღებამ, შესაძლოა საქართველოში ინვესტიციების შემოდინება შეამციროს.
ასევე დაშვებებს შორისაა ის რომ ძლიერმა დოლარმა შესაძლოა კიდევ უფრო მეტად გააუარესოს ვალის მაჩვენებელი.
ამასთან სესხების 65% ქვეყანაში უცხოურ ვალუტაშია განთავსებული, რაც ზრდის ფინანსური სექტორის დაუცველობას სავალუტო რყევების მიმართ.
მსოფლიო ბანკს შორის დასახელებულ რისკებს შორისაა ფისკალური რისკი, რომელიც წარმოშობილია სოციალური ხარჯების ზრდიდან, განსაკუთრებით კი პენსიების შემთხვევაში; ასევე სოციალური დაცვისა და ჯანდაცვის პროგრამიდან და კერძო-საჯარო პარტნიორობით განხორციელებული პროექტებიდან.
ასევე, კერძო სექტორთად დადებული პირდაპირი შეთანხმებებიდან (PPA).
საფრთხეს წარმოადგენს სახელმწიფოს საკუთრებაში არსებული საწარმოებიც.


22.02.2018