Amazon-ის CEO ჯეფ ბეზოსი აცხადებს, რომ ავსტრალიას 690,000 აშშ დოლარით დაეხმარება. ამის შესახებ ცნობილი მისი Instagram პოსტიდან გახდა. ”ჩვენი მხარდაჭერა ავსტრალიელებს. კომპანია Amazon-ი 690,000 აშშ დოლრს გამოყოფს დაზარალებულთა დასახმარებლად. ჩვენ გვინდა წვლილი შევიტანოთ სტიქიური უბედურებით გამოწვეული ზარალის აღდგენაში“, - აცხადებს ჯეფ ბეზოსი.
აღსანიშნავია, რომ ბრიტანელმა მომღერალმა და მუსიკოსმა ელტონ ჯონმა ავსტრალიაში ტყის ხანძართან საბრძოლველად მილიონი დოლარი გადარიცხა.
მანამდე მეხანძრეების დასახმარებლად თანხა პინკმა, კრის ჰემსვორთმა, ნიკოლ კიდმანმა, ჰიუ ჯეკმანმა, სელენა გომესმა და სხვა ვარსკვლავებმა გაიღეს. ჯამში მხოლოდ ქველმოქმდებით შეგროვებულია უკვე 75 მლნ დოლარზე მეტი. ხანძრით დაზარალებულ რეგიონებს ავსტრალიის მთავრობამ $1,4 მილიარდი გამოუყო. ხანძრის მასშტაბები უკვე იმხელაა რომ ხანძრის დანახვა კოსმოსიდანაც კი შესაძლებელია. საინტერესოა, რა დაუჯდება ის ქვეყნის ეკონომიკას და რა მდგომარეობაა ახლა კონტინენტზე?


#ახალიამბები #BusinessMediaGeorgia