დიდი ხნის წინ მომზადებული გაკოტრების შესახებ კანონპროექტი მთავრობას წარედგინა, მინისტრთა კაბინეტის წევრებისგან მან მწვანე შუქიც მიიღო და ახლა ჯერი პარლამენტზეა. თითქმის 3 წლის წინ ითქვა რომ პროექტზე მუშაობა დასრულებული იყო, იუსტიციის სამინისტრო მაშინ ყველა იმ დადებით მხარეზეც ღიად საუბრობდა რაც ამ პროექტის კანონდა ქცევას მოჰყვებოდა. ფინანსთა მინისტრად დამტკიცებამდეც გვქონდა მოსმენილი ივანე მაჭავარიანისგან, რომ ეს კანონი დაჩქარებულად იქნებოდა მიღებული. დროის აღქმის განსხვავებულობის მიუხედავად კანონპროექტმა პარლამენტამდე მიაღწია და მისი დამტკიცების შემთხვევაში მეტ გამჭვირვალობას ელიან იურისტები, პრემიერი კომპანიებისათვის გაჯანსაღების მეტ შესაძლებლობას აანონსებს და ბიზნესის დიდი ხნიანი მოლოდინიც სრულდება.
გაკოტრების შესახებ კანონის გაუმართაობა და პროცედურული სირთულე არაერთხელ გამხდარა საერთაშორისო რეიტინგებში საქართველოს პოზიციების სულ მინიმუმ ვერ გაუმჯბესების მიზეზი. მაგალითაად ,,Doing Business 2020"-ის თანახმად, საქართველო გადახდისუუნარობის საქმის წარმოების კუთხით 64-ე ადგილზეა. მთავრობაში იმედი აქვთ, რომ ამ კანონის მიღების შემდეგ, საქართველო მინიმუმ ათეულში მოხვდება. რა იცვლება გაკოტრების შესახებ კანონში და არის თუ არა ეს ის ვარიანტი რასაც ბიზნესი ამდენი ხანი ელოდა?

სტუმრები: თიკო შუღაროვა- ბიზნესის სარეაბილიტაციო და გადახდისუუნარობის პრაქტიკოსთა ასოციაცია, გამგეობის წევრი;
ნანა ამისულაშვილი - "რეაბილიტაციისა და კრედიტორთა კოლექტიური დაკმაყოფილების შესახებ" კანონპროექტის თანაავტორი



#ახალიამბები #BusinessMediaGeorgia