რა არის სენდბოქსი? თუ ეროვნული ბანკის ვებგვერდზე არ შესულხართ, ალბათ გამოცნობა გაგიჭირდებათ. ეს როგორც თავად ეროვნული ბანკი განმარტავს, რეგულირების ლაბორატორიაა. ამჟამად სებ-ი მისი ჩარჩოს შექმნასა და გამოყენების პირობების განსაზღვრაზე მუშაობს და ყველას მოსაზრებებს ელოდება, ვისაც ეს თემა აინტერესებს.

ვის შეიძლება ეს აინტერესებდეს? რეალურად ყველას, ვისაც გადაწყვეტილი აქვს, რომ სწრაფად განვითარებადი ფინანსური ტექნოლოგიების პირობებში, ინოვაციური ფინანსური სერვისები ან/და პროდუქტები შექმნას.

ამ სერვისებისა და პროდუქტების რეგულატორს - სებ-ს კი, თავის მხრივ, სურს, რეგულირების მიმართულებით მეტი სიცხადე შემოიტანოს, ახალი მარეგულირებელი მოთხოვნების საჭიროება გამოკვეთოს, საფინანსო სექტორში ინოვაციური პროდუქტების ბაზარზე გამოცდას და მათ განვითარებას შეუწყოს ხელი.

სენდბოქსმა ყველა ეს საჭიროება უნდა დააკმაყოფილოს.


სტუმარი: ვასილ შენგელია - ფინანსური და საზედამხედველო ტექნოლოგიების განვითარების დეპარტამენტის საკრედიტო საინფორმაციო ბიუროების ზედამხედველობის და ღია ბანკინგის ხელშეწყობის განყოფილების უფროსი


#ახალიამბები #BusinessMediaGeorgia