მთავარი კითხვა, რომელსაც პირველ რიგში მინდა მე გავცე პასუხი არის, თუ რატომ უნდა ვიცნობდეთ ამ ადამიანებს. პასუხი მარტივია, ისინი მომავალი ტექნოლოგიების დახმარებით, ქმნიან ბიზნესის ამინდს ქვეყანაში. ვინც ჯერ კიდევ არ იცით პროექტის შესახებ, მოკლედ გეტყვით, რომ სიაში გაერთიანებულია სულ ათ კატეგორიაში მომუშავე ადამიანები, ესენია: ხელოვნება, კულტურა სტილი. მეწარმეები, წარმოება და ინდუსტრია, ვაჭრობა და ელექტრონული კომერცია, სპორტი, ფინანსები, მედია და მარკეტინგი, მეცნიერება, გართობა და ტექნოლოგიები. სწორედ ამ უკანასკნელით, ტექნოლოგიებით დავიწყებ საუბარს, რომელიც ინოვაციურად მოაზროვნე ახალგაზრდებს აერთიანებს, რომლებიც ცდილობენ, თანამედროვე ტექნოლოგიების გამოყენებით შეცვალონ ქართული რეალობა. კატეგორიის გამარჯვებულები ბაზარზე მსოფლიოში აღიარებული, ინოვაციური მეთოდების იმპლემენტაციას ახდენენ. შედეგად კი, ისინი ქვეყანაში წარმატებულ და ეფექტიან ბიზნესგარემოს ქმნიან. ასე მოხდა ვატო ველიაშვილის შემთხვევაშიც, რომლემაც უცხო ენების შემსწავლელი ქართული ონლაინ პლატფორმა შექმნა და ერთ სივრცეში ათასობით ადამიანი გააერთიანა.

სტუმარი: ვატო ველიაშვილი - lingwing-ის დამფუძნებელი.


#ახალიამბები #BusinessMediaGeorgia