სასტუმროების შემდეგ, შრომის ინსპექტორის მოწვევა და გახსნამდე შემოწმების გავლა, სავარაუდოდ, ფიტნეს ცენტრებსაც მოუწევთ. ბიზნესომბუდსმენს, შრომის ინსპექტორსა და ფიტნეს ცენტრებს შორის გუშინ გამართული შეხვედრის შესახებ bm.ge-ისთან „ოკტოპუს ფიტნეს კლუბის“ დამფუძნებელმა ისაუბრა. გიორგი ასათიანი ამბობს, რომ covid-19-ით გამოწვეული რეგულაციების გამო, ფიტნეს დარბაზების ხარჯვითი ნაწილი მნიშვნელოვნად გაიზრდება, თუმცა ბოლოო თვეებში იმხელა ფინანსური ზარალი მიიღეს, მზად არიან, თანხები გაიღონ, ოღონდ მოქალაქეების მიღება შეძლონ. რაზე თანხმდებიან და რაზე ვერა მთავრობა და ფიტნეს ცენტრები?


#ახალიამბები #BusinessMediaGeorgia