„საზოგადოება და ბანკების“ დამფუძნებელი, გიორგი კეპულაძე მიიჩნევს, რომ საქართველოს მოქალაქეების ფინანსური სანქცირების შემთხვევაში, ნათია თურნავას საგამონაკლისო ბრძანების მიუხედავად, ქართულ ბანკებს სანქციების დაცვა მოუწევთ.

გიორგი კეპულაძემ BMG-სთან იმ პოტენციურ რისკებზე ისაუბრა რომელთა წინაშეც საბანკო სექტორი დადგება, თუ საჭიროების შემთხვევაში, სანქციებს არ აღასრულებს. მისი თქმით, სებ-ის პრეზიდენტის მოვალეობის შემსრულებლის მიერ ფარცხალაძის სანქცირების შემდეგ მიღებული გადაწყვეტილება ბანკებს რთულ მდგომარეობაში აყენებს, ვინაიდან თუ სანქციებს არ დაემორჩილებიან, საერთაშორისო და ადგილობრივ დონეზე სერიოზული რეპუტაციული ზიანი მიადგებათ, რაც საბოლოოდ, ბანკებთან ერთად, მოქალაქეებსაც დააზარალებს.

ამასთან, „საზოგადოება და ბანკების“ დამფუძნებელი ფიქრობს, რომ ბანკები უნდა მუშაობდნენ გეგმაზე და განსაზღვრული ჰქონდეთ, როგორ იმოქმედებენ მათ შორის ყველაზე მძიმე სცენარის შემთხვევაში?

სტუმარი: გიორგი კეპულაძე - „საზოგადოება და ბანკების“ დამფუძნებელი;

#ახალიამბები #BusinessMediaGeorgia