ინფექციური მენინგიტის მორიგი შემთხვევა თბილისში - 175-ე საჯარო სკოლის მეორე კლასის მოსწავლე ბიჭს ექიმებმა დიაგნოზი გუშინ საღამოს დაუსვეს. სკოლაში სასწავლო პროცესი გრძელდება. იგეგმება საკლასო ოთახის დეზინფექცია. მედიკოსების განცხადებით, საქართველოში ინფექციური მენინგიტის ეპიდემიის საფრთხე არ არსებობს. დაავადების მომატებულ შემთხვევებს ისინი ენტეროვირუსის გართულებას უკავშირებენ. ინფექციური მენინგიტის გავრცელების შესახებ განცხადებას პაატა იმნაძე აკეთებს.