აქციას პირდაპირ ეთერში შეუერთდა ლევან ჯავახიშვილი. მან ყინულიანი წყალი გადაისხა პირდაპირ ეთერში თავზე, თუმცა წყლის გადასხმა საკმარისი არ არის და ის ბოლომდე აპირებს, რომ ამ აქციაში ჩაერთოს. დღეს ის არკვევს თუ რას ნიშნავს ამოტროფული გვერდითი სკლეროზი, რა ვითარებაა ამ მხრივ საქართველოში და როგორ ნაწილდება გადარიცხული თანხა. აქცია "ყინულის ჭურჭლის გამოწვევა" დაახლოებით 2 თვის წინ დაიწყო აშშ–ში და მან მთელი მსოფლიო მოიცვა. აღნიშნულ დაავადებაზე საუბრობს დააავდებათა კონტროლის ცენტრის ხელმძღვანელი ამირან გამყრელიძე. ამირან გამყრელიძე: ამოტროფული გვერდითი სკლეროზი გახლავთ ერთ–ერთი იშვიათი ნევროლოგიური დაავადება. აშშ–ში 2 ადამიანი ავადდება 100 ათასიდან ყოველწლიურად ამ დიაგნოზით, ევროპაში მისი გავრცელება უფრო ნაკლებია. საქართველოში გვაქვს 5 ახალი შემთხვევა. დაავადება იწყება კუნთების სისუსტით.