- ივანიშვილის თქმით ლარის გაუფასურებაში მნიშვნელოვანი წვლილი ეროვნუალ ბანკს მიუძღვის, ხოლო მთავრობის ეკონომიკური გუნდი კი კარგად მუშაობს. ივანიშვილის თქმით ეროვნულ ბანკს უფრო მეტი სავალუტო რეზერვი უნდა გაეყიდა. ტაბულამ ბიძინა ივანიშვილის მისი საარჩევნო დაპირებაც შეახსენა, რომელზეც გაცხადებული იყო, რომ ქართული ოცნების მესამე წელი მოსახლეობას საკუთარ ჯიბეზე უნდა ეგრძნო.
- პრემიერმინისტრი მთავრობის განახლებულ შემადგენლობას ხვალ დაასახელებს. ირაკლი ღარიბაშვილმა დღეს თქვა, რომ სპორტისა და გარემოს დაცვის მინისტრების კანდიდატებს დღის განმავლობაში დაასახელებდა, თუმცა გადაწყვეტილება შეცვალა. დღესვე პრემიერმა მინისტრთა კაბინეტის წევრებთან, მთავრობის კანცელარიაში კონსულტაციები გამართა.
- თბილისის ყოფილი მერის გიგი უგულავას დაცვის მხარემ დღეს საკონსტიტუციო სასამართლოს მიმართა. ადვოკატები უგულავას პატიმრობაში დატოვებას უკანონოს უწოდებენ. დაცვის მხარე კიდევ ერთხელ განმარტავს, რომ ბრალდებულს წინასწარი პატიმრობის ცხრათვიანი ვადა უკვე ამოეწურა და მისი საპატიმროში დატოვებით კონსტიტუცია ირღვევა.