- მთავრობის განახლებული შემადგენლობა ნდობის მისაღებად პარლამენტს პრეზიდენტის საპარლამენტო მდივანმა წარუდგინა. ამის შემდეგ კი ტრიბუნა პრემიერმინისტრმა დაიკავა და დეპუტატებს საქართველოს მთავრობის სამოქმედო გეგმა გააცნო. ირაკლი ღარიბაშვილმა მთავრობის მიღწევებსა და დაგეგმილ ეკონომიკურ და სოციალურ პროექტებზე ისაუბრა.
პრემიერმინისტრის სიტყვით გამოსვლის დასრულების შემდეგ კი დეპუტატებმა მას კითხვები დაუსვეს. ნაციონალური მოძრაობის წევრების შეკითხვები ეკონომიკურ და სავალუტო კრიზისს, ენერგო ტარიფებსა და პოლიტიკურ დევნას შეეხებოდა.
- საქართველოს პროგრესი მნიშვნელოვანია, მაგრამ მას კვლავ გასათვალისწინებელი აქვს დარჩენილი რეკომენდაციები - რიგის სამიტის წინ ევროკომისია საქართველოსთან სავიზო რეჟიმის ლიბერალიზაციის სამოქმედო გეგმაზე ანგარიშს აქვეყნებს და პრობლემურ სფეროებზე მიუთითებს. თავის მხრივ, საქართველოს პრეზიდენტი, პრემიერი და პარლამენტის თავმჯდომარე ერთობლივ წერილში ითხოვენ, რომ რიგის სამიტზე საქართველოს მიერ მიღწეული პროგრესის აისახოს.
- ლარის მორიგი გაუფასურების პარალელურად ფინანსთა სამინისტრო ხელს კვლავ ეროვნული ბანკისკენ იშვერს. ეროვნული ბანკის პრეზიდენტი კი საპასუხო განცხადებაში ეროვნული ბანკის ფუნქციებს კიდევ ერთხელ განმარტავს.
- ბრიტანეთის არჩევნებში პრემიერ დევიდ კემერონის კონსერვატიულმა პარტიამ დამაჯერებელი გამარჯვება მოიპოვა. უპრეცედენტო გამარჯვებას ზეიმობს შოტლანდიის ეროვნული პარტიაც, რომელმაც შოტლანდიის თითქმის ყველა საარჩევნო ოლქში გაიმარჯვა. დამარცხებული პარტიების იმედგაცრუებული ლიდერები კი პოსტებს ტოვებენ.