- დღეს მთელი დღის მანძილზე საქართველოს პარლამენტში მთავრობის გახლებული შემადგენლობის მინისტრობის კანდიდატებს უსმენდნენ. ცოტა ხნის წინ დასრულდა პრემიერმინისტრის გამოსვლა და კითხვა-პასუხი ერთიან ნაციონალურ მოძრაობასთან. ირაკლი ღარიბაშვილმა ხელისუფლების მიერ მიღწეულ პროგრესსა და სხვადასხვა პრეოქტებზე ისაუბრა, ოპოზიციის კითხვები კი ძირითადად ქვეყანაში შექმნილ ეკონომიკურ მდგომარეობასა და კრიმინოგენულ ვითარებას ეხებოდა.
- ხუთი კომიტეტის გაერთიანებულ სხომაზე დეპუტატებმა მთავრობის ეკონომიკური გუნდის მინისტრებს მოუსმინეს და მათ პროგრამას გაეცნენ. მინისტრები საკმაოდ ოპტიმისტურად იყვნენ განწყობილნი. საკომიტეტო მოსმენაზე სიტყვით ეკონომიკის, ფინანსთა, ენერგეტიკის, ინფრასტრუქტურისა და სოფლის მეურნეობის მინისტრები გამოვიდნენ.
- შესაბამისი კომიტეტების გაერთიანებულ სხდომებზე დღეს სხვა მინისტრობის კანდიდატებსაც მოუსმინეს. ამ პროცესით უკმაყოფილო დარჩა ნაციონალური მოძრაობა, საპარალამენტო უმცირესობის წევრებმა სხდომების უმრავლესობა პროტესტის ნიშნად დატოვეს იმ მიზეზით, რომ მათ მინისტრებისთვის კითხვის დასასმელად ცოტა დრო ქონდათ. რიგგარეშე სესია, რომელზეც პარლამენტი მთავრობის განახლებული შემადგენლობისთვის ნდობის გამოცხადებაზე იმსჯელებს, ხვალ, დღის პირველ საათზეა ჩანიშნული.