- დღეს ეროვნულ დემოკრატიული ინსტიტუტის კვლევა გამოქვეყნდა - შემცირებულია მათი რაოდენობა, ვინც თვლის, რომ ქვეყანა სწორი მიმართულებით ვითარდება. კვლევის შედეგების მიხედვით, მკვეთრადაა გაზრდილი იმ გამოკითხულთა რაოდენობა, ვინც თვლის, რომ 2012 წლის ოქტომბერთან შედარებით, მისი და მისი ოჯახის მდგომარეობა გაუარესდა. 5 წლის მანძილზე პირველად, NDI-ის კვლევებში იმ რესპონდენტთა რაოდენობამ, ვინც თვლის, რომ ხელისუფლება მისთვის მნიშვნელოვან ცვლილებებს არ ახორციელებს, გადააჭარბა მათ რაოდენობას, ვინც საპირისპიროს ფიქრობს.

- ამერიკის ეროვნულ-დემოკრატიული ინსტიტუტის მიერ გამოქვეყნებული საზოგადოებრივი აზრის კვლევის შედეგები შეაფასეს მმართველი გუნდისა და საპარლამენტო უმცირესობის წარმომადგენლებმა. NDI-ის კვლევის შედეგებს საინტერესოდ და ობიექტურად მიიჩნევს კაოლიცია ქართული ოცნების წევრი, თამარ კორძაია. საზოგადოებრივი აზრის კვლევამ მთავრობის უნიათობა გამოაჩინა ერთიანი ნაციონალურ მოძრაობის წევრის, მიხეილ მაჭავარიანი შეფასებით .თავისუფალი დემოკრატების წევრის მაია ფანჯიკიძის თქმით, კი ამ მთავრობამ თავისი რესურსი ამოწურა.

- ეროვნულ დემოკრატიული ინსტიტუტის კვლევა მოსახლეობის განწყობებს საგარეო მიმართულებითაც ცხადყოფს - წინა კვლევებთან შედარებით გაზრდილი იმ გამოკითხულთა რაოდენობა, ვინც საქართველოს ევრაზიულ კავშირში გაწევრიანებას უჭერენ მხარს თუმცა ევროკავშირსა და ნატოს გაწევრიანების მსურველთა რაოდენობა კვლავ მაღალია.

- გურიის რწმუნებულად ერთიანი ნაციონალური მოძრაობის შესახებ ფილმის ჩვენების ორგანიზატორი დაინიშნა - ბრძანებას პრემიერ აწერს ხელს, მან დღეს სალუქვაძეს წარმატებები უსურვა.

- ვაზიანში ქართულ ამერიკული წვრთნები გაიხსნა - მასში მონაწილეობას 600-ამდე სამხედრო მოსამსახურე იღებს. მანევრების მიზანი ნატო-ს სწრაფი რეაგირების ძალებში ქართული და ამერიკული კონტინგენტების თავსებადობის ზრდაა.