- ხელნაწერთა ეროვნული ცენტრი - ხელნაწერთა ეროვნული ცენტრის თანამშრომლები განათლების სამინისტროს წარმომადგენლებს შეხვდნენ. მათი შეფასებით, 3 საათიანი შეხვედრა უშედეგოდ დასრულდა და უწყების წარმომადგენლები კომპრომისზე არ წამოვიდნენ. ცენტრის თანამშრომლები ითხოვენ, რომ ხელმძღვანელის არჩევის შესაძლებლობა ჰქონდეთ, ამ თანამდებობაზე ბუბა კუდავა დაბრუნდეს, ასევე მათი მაკონტროლებელი განათლების სამინისტროს ნაცვლად მთავრობა გახდეს.
- სავალუტო ფონდი - საერთაშორისო სავალუტო ფონდის მონაცემებით, წელს საქართველოს ეკონომიკა 2 %-ით გაიზრდება, რაც 2015 წლის ბიუჯეტით დაგეგმილ 5%-იან ეკონომიკურ ზრდასთან შედარებით 2.5-ჯერ ნაკლებია. მომავალ წელს კი სავალუტო ფონდი ეკონომიკის 3 პროცენტიან ზრდას პროგნოზირებს. მომავალ წელსვე საქართველოში ინფლაციის მაქსიმუმ 5 პროცენტით ზრდაა ნავარაუდევი. წელს კი ის 3%-ს შეადგენს. ფონდის ანგარიშის მიხედვით, საქართველოს ეკონომიკაზე უარყოფით გავლენას რეგიონში არსებული რთული ეკონომიკური ვითარება ახდენს.

- ადამიანის უფლებათა ცენტრი - ადამიანის უფლებათა ცენტრმა დღეს ბრიფინგი გამართა, სადაც პოლიციელების მიერ მოქალაქეთა ცემის ფაქტებზე ისაუბრა. არასამთავრობო ორგანიზაციის წარმომადგენლების თქმით, მიმდინარე წელს წინა წლებთან შედარებით ასეთ საქმეებთან დაკავშირებით მომართვიანობა გაზრდილია - ორგანიაზაში 2015 წელს 7 მიმართვა შევიდა.