ჩვენ ვცხოვრობთ ძალიან რთულ დროს, როცა ადამიანები არ ფიქრობენ პასუხისმგებლობაზე , არამედ ფიქრობენ ჩვენს უფლებებზე. პრესაში, რადიოსა და ტელევიზიაში საუბრობენ მხოლოდ იმ თემაზე თუ რა უფლებებით უნდა სარგებლობდნენ ადამიანები. რა უფლებები უნდა დავიცვათ ბავშვებისთვის, მაგრამ ნაკლებად ვსაუბრობთ პასუხისმგებლობაზე. ჩვენ უნდა ვიცოდეთ, რომ უფლება კარგია, მაგრამ უპირველეს ყოვლისა ყველა ადამიანი პასუხისმგებელია ღვთის წინაშე, ოჯახის წინაშე, საკუთარი უკვდავი სულის წინაშე და სამშობლოს წინაშე.