"რუსთავი 2"-ს დაბა ხარაგაულის წმინდა ანდრია პირველწოდებულის სახელობის სასულიერო გიმნაზიაში არსებული მდგომარეობის შესახებ 2015 წლის 13 დეკემბრის მდგომარეობით.

#ხარაგაული

გადამღები ჯუფი დაბა ხარაგაულში ჩავიდა. გიმნაზიაში მხოლოდ ერთი სასწავლო ოთახია გარემონტებული, დანარჩენი ოთახები კი სასწავლო პროცესისთვის შეუსაბამოა-კედლები დაბზარულია, ჭერიდან კი ბათქაში ცვივა.

სკოლაში გათბობისათვის შეშის ღუმელს იყენებენ, თუმცა ისიც გაუმართავია. საკლასო ოთახში კვამლის გამო მხედველობა გართულებულია. ღუმელში შეშას გაკვეთილის მიმდინარეობის დროს ბავშვები ალაგებენ.

სკოლის პედაგოგები ამბობენ, რომ მათი ხელფასები მწირია და მასაც თვეების დაგვიანებით იღებენ. ივნისის ხელფასი მათ ერთი კვირის წინ აიღეს.

მიუხედავად ამისა სკოლაში ამბობენ, რომ ხელფასების ლოდინი ენთუზიაზმზე არ აისახება. სკოლაში ყვებიან, რომ საპატრირქოს გიმნაზიაში რაიონში ყველაზე მეტი მოსწავლე სწავლობს, ყველაზე მეტი მედალოსანი და ოლიმპიადაში გამარჯვებული ჰყავთ.

სკოლას ფული ფურცელზე გამოყოფილი აქვს, რეალურად კი არა. საპატრიარქოს გიმნაზია წმინდა სვიმონ კანანელის სასწავლო ცენტრის დაქვემდებარებაშია. ამ ცენტრს საპატრიარქო ერთი მილიონ ორასი ათასი ლარით აფინანსებდა, თუმცა ყოფილმა მეუფემ სპირიდონმა, რომელიც ღვთისმსახურებას ახლა სხალთაში ეწევა, ერთი ეპარქიიდან მეორეში გადასვლის შემდეგ ბიუჯეტიც თან გაიყოლა და სკოლა დაფინანსების გარეშე დატოვა.

წყარო: http://rustavi2.com/ka/news/34120