„ხარაგაულის ქრონიკები“ – დაუსრულებელი პროცესი (ვიდეო)

ხარაგაულის მუნიციპალიტეტის ისტორიის პედაგოგთა ასოციაციის წევრებისა და ისტორიული მუზეუმის თანამშრომლების ავტორობით გამოიცა წიგნი „ხარაგაულის ქრონიკები.“

„ჩემი იმერეთის“ რედაქციასთან მოქმედი ჟურნალისტთა სკოლა „იმედი ხვალის“ სტუდენტებმა „ხარაგაულის ქრონიკების“ ერთ-ერთი ავტორი, ისტორიკოსი ზეინაბ ბუაჩიძე ამ დღეებში რედაქციაში მოიწვიეს.

ქალბატონი ზეინაბი „იმედი ხვალის“ სტუდენტებს, მათთვის საინტერესო სხვა თემებთან ერთად, ამ წიგნის შექმნის შესახებაც ესაუბრა.

წიგნი ორი ნაწილისგან შედგება. პირველ ნაწილში ქრონოლოგიური თანმიმდევრობითაა წარმოდგენილი ჩვენი კუთხის ისტორია. მეორე ნაწილში თავმოყრილია ხარაგაულელი პედაგოგების ნაშრომები.

წიგნის მიზანია, ახალგაზრდობა დააინტერესოს საკუთარი მხარის ისტორიით, ხელი შეუწყოს ტურიზმის განვითარებას, ხარაგაულის სიძველეთა წარმოჩენას.

წიგნი მარგვეთისა და უბისის ეპისკოპოსის, მეუფე მელქისედეკის (ხაჩიძე) ლოცვა-კურთხევითა და ხარაგაულის მუნიციპალიტეტის მერიის ფინანსური მხარდაჭერით დაიბეჭდა.