გაეროს ევროპის ეკონომიკური კომისიის (UNECE) „გარემო ევროპისთვის" მინისტრთა მე-8 კონფერენციის ფარგლებში, სასტუმრო „რედისონში", გარემოსა და ბუნებრივი რესურსების დაცვის მინისტრი გიგლა აგულაშვილი „გერმანიის თანამშრომლობის წვლილი მწვანე ეკონომიკის განვითარებაში სამხრეთ კავკასიის ქვეყნებში" პროექტის პრეზენტაციას დაესწრო.

გარემოსდავითი პროექტების ფინანსურ მხარდაჭერას გერმანიის მთავრობა გერმანიის განვითარების და რეკონსტრუქციის ბანკის მეშვეობით ახორციელებს. 1995 წლიდან დღემდე გარემოსდაცვითი პროექტების განხორციელებისთვის 80 მილიონ ევრომდე გამოიყო.

გერმანიის მთავრობის ერთ-ერთი მთავარი პრიორიტეტია დაცული ტერიტორიების შექმნა და გაძლიერებაა რეგიონში. ბუნების დაცვის მსოფლიო ფონდი (WWF) მთავარი პარტნიორია რეგიონში გარემოსდაცვითი პროგრამების განხორციელებისას, 2003 წელს საქართველოში დაარსდა საერთაშორისო სტანდარტების შესაბამისი ბორჯომ-ხარაგაულის ეროვნული პარკი. ამჟამად WWF 2 რეგიონალურ პროგრამას ახორციელებს. დაცული ტერიტორიების სააგენტოს ფინანსური მხარდამჭერია კავკასიის ბუნების ფონდი (CNF). CNF 9 ადმინისტრაციის ხარჯების თანადამფინანსებელია და უზრნველყოფს თანამშრომელთა დაზღვევასაც.

ღონისძიებაში მონაწილეობა გერმანიის საერთაშორისო საზოგადოების (GIZ), გერმანიის რეკონსტრუქციისა და განვითარების ბანკის (KFW), BMUB, BMZ, WWW Caucasus -ის წარმომადგენლებმა მიიღეს.